జార్ఖండ్ ప్రభుత్వం పై సాక్షి ధోని సెటైర్లు
టీమిండియా మాజీ క్రికెటర్‌ ఎంఎస్‌ ధోని భార్య సాక్షి ధోని జార్ఖండ్ ప్రభుత్వంపై సోషల్ మీడియా వేదికగా సెటైర్లు విసిరారు.. జార్ఖండ్‌లో విద్యుత్‌ సంక్షోభం ఇంతలా ఎందుకుందంటూ ప్రభుత్వాన్ని ప్రశ్నించింది. ‘ఒక ట్యాక్స్‌ పేయర్‌గా జార్ఖండ్ ప్రభుత్వాన్ని ప్రశ్నిస్తున్నా. కొన్నేళ్ల నుంచి రాష్ట్రంలో విద్యుత్‌ సంక్షోభం ఇంతలా ఎందుకు ఉందనేది తెలుసుకోవాలనుకుంటున్నా’ అని ట్విట్టర్‌ వేదికగా జార్ఖండ్ ప్రభుత్వం పై ప్రశ్నలు సంధించింది సాక్షి ధోని. ఒక బాధ్యత కలిగిన పౌరులుగా మా తరపు నుంచి విద్యుత్‌ను ఆదా చేసేందుకు ప్రయత్నాలు జరుగుతున్నా ప్రభుత్వం ఎందుకు దీనిని పరిష్కరించలేకపోతుందంటూ సెటైర్లు వేశారు.
గత కొన్నిరోజులుగా జార్ఖండ్‌లో రోజువారి ఉష్ణోగ్రతలు భారీగా పెరిగాయి. 40 డిగ్రీలకు పైగా ఉష్ణోగ్రతలు నమోదవ్వడంతో కరెంట్‌ వినియోగం అమాంతం పెరిగిపోయింది. దీంతో లోడ్‌ మార్పు చేస్తున్నామన్న పేరుతో విద్యుత్‌ సిబ్బంది గంటల తరబడి కోత విధిస్తున్నారు. దీంతో రాష్ట్ర ప్రజలు ఉక్కపోతతో అల్లాడుతున్నారు.
As a tax payer of Jharkhand just want to know why is there a power crisis in Jharkhand since so many years ? We are doing our part by consciously making sure we save energy !
— Sakshi Singh 🇮🇳❤️ (@SaakshiSRawat) April 25, 2022
