Beer sales: రికార్డు స్థాయిలో బీర్ల సేల్స్

తెలంగాణ రాష్ట్ర వ్యాప్తంగా రికార్డు స్థాయిలో బీర్లు అమ్ముడవుతున్నాయి. ఎండలు ముదురుతున్నా కొద్ది బీర్ల సేల్స్​ కూడా రోజు రోజుకు పెరుగుతున్నాయి.

Beer sales: తెలంగాణ రాష్ట్ర వ్యాప్తంగా రికార్డు స్థాయిలో బీర్లు అమ్ముడవుతున్నాయి. ఎండలు ముదురుతున్నా కొద్ది బీర్ల సేల్స్​ కూడా రోజు రోజుకు పెరుగుతున్నాయి. అసలే పెళ్లిళ్ల సీజన్ అందులోను సూరీడి భగ భగలు ఇంకేముంది ఎర్రమందుతాహేకన్నా కడుపు సల్లపరుచుకుందామనుకుని ప్రతిఒక్కరు బీర్ తాగడానికే మొగ్గుచూపుతున్నారు. పెండ్లీలతోపాటు ఇతర ఫంక్షన్లు కూడా ఉండడం బీర్ల అమ్మకాలకు కలిసొచ్చింది. రాష్ట్రంలో 2,650 వైన్స్​ షాపులుండగా, వీటి పరిధిలో 19 లిక్కర్​ డిపోలు నడుస్తున్నాయి.

ఈ నెల 1 నుంచి 18 తేదీ వరకు జరిగిన మద్యం అమ్మకాల్లో ఎక్కువ శాతం బీర్లే అమ్ముడయ్యాయని ఆబ్కారీ శాఖ తెలిపింది. మే నెల 1 నుంచి 18 తేదీ వరకు 35,25,247 కాటన్లు బీర్లు అమ్ముడయ్యాయి. అంటే సగటున రోజుకు 1,95,847 కాటన్ల బీర్లు తాగేశారు. ఒక్కో కాటన్​కు 12 బీర్ల చొప్పున లెక్కిస్తే సగటున రోజుకు 23,50,164 బీర్లు సేల్స్ అయ్యాయి. ఈ లెక్కన 18 రోజుల్లోనే 4,23,02,964 బీర్లను తాగేశారు. బీర్ల సేల్స్​ ద్వారా సర్కార్​కు వచ్చిన ఆదాయం రూ.582.99 కోట్లు. బీర్ల అమ్మకాల్లో ఉమ్మడి నల్గొండ జిల్లా మొదటి స్థానంలో నిలువగా కరీంనగర్​ జిల్లా రెండో స్థానంలో ​ నిలిచింది. నల్గొండ జిల్లాలో 3,00,364 కాటన్ల బీర్లు అమ్ముడవగా, రూ.48.14 కోట్ల ఆదాయం వచ్చింది. ఎండలు ముదురుతున్నా కొద్ది బీర్లకు ఇంకా డిమాండ్ పెరిగే అవకాశముందని అధికారులు చెపుతున్నారు.