Anand Mahindra: ఫోల్డబుల్ మెట్లు అద్భుతం.. సోషల్‌ మీడియాలో పోస్ట్‌ చేసిన ఆనంద్ మహీంద్రా
Foldable stairs: మేధస్సు ఉండాలే కానీ ఆవిష్కరణలకు కొదవ ఉండదని నిరూపించాడు ఓ సాధారణ వ్యక్తి. వినూత్నమైన ఫోల్డబుల్ మెట్ల మార్గాన్ని తన ఇంటికి ఏర్పాటు చేసుకుని ఔరా అనిపిస్తున్నాడు. పేదల కాలనీల్లో ఒక ఇల్లు 100 గజాల్లోపే ఉంది. అలాంటి చోట ఇంటిపైకి చేరుకోవడానికి మెట్ల మార్గాన్ని ఏర్పాటు చేసుకునేందుకు స్థలం కూడా ఉండదు. అంతేకాదు, గతంలో మెట్లు లేకుండా కట్టిన ఇంటికి సైతం సులభంగా ఈ మెట్లను అమర్చుకుని వెంటనే సునాయాసంగా ఎక్కేయవచ్చు.
ప్రముఖ పారిశ్రామికవేత్త ఆనంద్ మహీంద్రా ఈ అరుదైన ఫోల్డబుల్ మెట్లకు సంబంధించిన వీడియోను తన ఇన్‌స్టాగ్రామ్‌లో షేర్ చేశారు. దీనికి అభిమానుల నుంచి విశేష స్పందన వస్తోంది. అసాధారణంగా చూడ్డానికి చాలా సింపుల్‌గా, వినూత్నంగా ఉన్న ఈ మెట్లు బయటి గోడకు మంచి అందాన్ని తీసుకొచ్చిందని ఆయన తెలిపారు. స్కాండినేవియన్ డిజైనర్లు అసూయ పడేలా ఉందన్నారు. ఇదెక్కడిదో తనకు తెలియదన్న ఆనంద్ మహీంద్ర. తర వాట్సాప్‌కు వచ్చిందని వివరించారు.
Outstanding. So simple yet creative. Apart from de-cluttering space, this actually adds an attractive aesthetic element to an otherwise stark exterior wall. Should make Scandinavian designers envious!! (Don’t know where this is from. Received in my #whatsappwonderbox ) pic.twitter.com/IBC6RR591y
— anand mahindra (@anandmahindra) July 16, 2022
