Anand Mahindra: కృత్రిమ మేధతో ఫేక్ వీడియో : జాగ్రత్తగా ఉండాలంటున్న ఆనంద్ మహీంద్రా

Anand Mahindra Tweet: టెక్నాలజీ ఎంత ముందు వెళుతుంటే డేంజర్ లెవల్స్ కూడా అంతే ఎక్కువ అవుతున్నాయి. తాజాగా సోషల్ మీడియాలో ఆర్టిఫిషియల్ ఇంటెలిజెన్స్ కు సంబంధించిన ఓ వీడియో వైరల్ అవుతోంది. ప్రముఖ బిజినెస్ మేన్ ఆనంద్ మహీంద్రా ఈ వీడియోను షేర్ చేయగా ఆ వీడియోలో ఓ వ్యక్తి ఏఐ సాయంతో ఫేక్ వీడియో చేయడం గురించి మాట్లాడుతూ కనిపిస్తున్నారు. అయితే ఆ వ్యక్తి తల భాగంలో సెలెబ్రిటీల తలలను ఆర్టిఫిషియల్ ఇంటెలిజెన్స్ సాయంతో మార్ఫింగ్ చేసి, అచ్చం ఆ సెలెబ్రిటీలు మాట్లాడుతున్నట్టుగా అనిపిస్తోంది. ఆ వీడియో కింద భాగంలో ఉన్న  ఒరిజినల్ వ్యక్తి చెబితే తప్ప అది ఫేక్ వీడియో అని గుర్తించలేని విధంగా డీప్ ఫేక్ టెక్నాలజీతో ఆ మాయాజాలం చేశారు. అయితే ఈ అంశం మీద నంద్ మహీంద్రా ఆందోళన వ్యక్తం చేశారు. “ఇలాంటి మోసపూరిత కంటెంట్ నుంచి మనల్ని మనం కాపాడుకునేందుకు ఓ సమాజంలో భాగంగా మనం ఏ మేరకు సన్నద్ధమవుతున్నాం అనేది ఆలోచించాలని, ఇలాంటివి కొద్దిగా వినోదభరితంగా ఉండొచ్చేమో కానీ… అవే అత్యంత దారుణమైనవని ఆయన అన్నారు. అవే ఒకవేళ ప్రజల మధ్య చిచ్చురేపేవి అయితే ఏం చేస్తాం? ఇటువంటి శక్తిమంతమైన వ్యవస్థలతో రూపొందించిన ఫేక్ కంటెంట్ నుంచి రక్షణ కోసం తనిఖీ వ్యవస్థలు కూడా బలంగా ఉండాలి కదా?” అంటూ ఆనంద్ మహీంద్రా ట్వీట్ చేశారు.

This clip which has been making the rounds is rightfully raising an alarm. How’re we preparing, as a society, to guard against potentially deceptive content which at best, can be mildly entertaining, but at worst, divide us all? Can there be tech-checks that act as a safeguard? pic.twitter.com/wSmvGi4lQu

— anand mahindra (@anandmahindra) January 21, 2023