Ishan Kishan: ఇషాన్ కిషన్ డబుల్ సెంచరీ – క్రిస్ గేల్ రికార్డు బద్దలు
Ishan Kishan shatters Chris Gayle’s world record, hits fastest double century in ODI history
భారత్ బ్యాటర్ ఇషాన్ కిషన్ చరిత్ర సృష్టించాడు. బంగ్లాదేశ్‌తో జరుగుతున్న మ్యాచ్‌లో డబుల్ సెంచరీ సాధించాడు. ఈ అరుదైన ఫీట్ సాధించిన ఏడవ బ్యాటర్‌గా, భారత్ తరపున నాల్గవ బ్యాటర్‌గా రికార్డు క్రియేట్ చేశాడు. టీమిండియాకు చెందిన సచిన్ టెండూల్కర్, వీరేంద్ర సెహ్వాగ్, రోహిత్ శర్మలు గతంలో డబుల్ సెంచరీలు సాధించారు. ఇషాన్ కిషన్ కేవలం 126 బంతుల్లోనే డబుల్ సెంచరీ సాధించడం విశేషం.
బంగ్లాదేశ్‌తో జరుగుతున్న రెండో మ్యాచ్‌లో కెప్టెన్‌ రోహిత్ చేతికి గాయమయింది. దీంతో మూడో మ్యాచ్‌కు విశ్రాంతి కల్పించారు. రోహిత్ స్థానంలో తుది జట్టులో స్థానం దక్కించుకున్న ఇషాన్ కిషన్ వచ్చిన అవకాశాన్ని చక్కగా వినియోగించుకున్నాడు.
మూడో వన్డేలో తొలిత బ్యాటింగ్‌కి దిగిన టీమిండియాకు మొదట్లోనే షాక్ తగిలింది. ఓపెనర్ శిఖర్ ధావన్‌ కేవలం 3 పరుగులకే ఔటయ్యాడు. ఆ సమయంలో బరిలో దిగిన ఇషాన్ కిషన్, విరాట్ కోహ్లీతో కలిసి చెలరేగి ఆడాడు. ఆకాశమే హద్దుగా బ్యాట్ ఝుళిపించారు. ఫోర్లు, సిక్సర్లతో బంగ్లా బౌలర్లను హడలెత్తించాడు. అత్యంత వేగంగా డబుల్ సెంచరీ పూర్తి చేసుకున్నాడు. ఈ క్రమంలో క్రిస్ గేల్ రికార్డును కూడా బ్రేక్ చేశాడు.
𝟐𝟎𝟎 𝐑𝐔𝐍𝐒 𝐅𝐎𝐑 𝐈𝐒𝐇𝐀𝐍 𝐊𝐈𝐒𝐇𝐀𝐍 🔥🔥
𝐖𝐡𝐚𝐭 𝐚 𝐬𝐞𝐧𝐬𝐚𝐭𝐢𝐨𝐧𝐚𝐥 𝐝𝐨𝐮𝐛𝐥𝐞 𝐡𝐮𝐧𝐝𝐫𝐞𝐝 𝐭𝐡𝐢𝐬 𝐡𝐚𝐬 𝐛𝐞𝐞𝐧.
He is the fourth Indian to do so. Take a bow, @ishankishan51 💥💥#BANvIND pic.twitter.com/Mqr2EdJUJv
— BCCI (@BCCI) December 10, 2022
A knock to remember from Ishan Kishan ✨#BANvIND | https://t.co/SRyQabJ2Sf pic.twitter.com/xh3Es9Jc4X
— ICC (@ICC) December 10, 2022
క్రిస్‌గేల్ 2015లో జింబాబ్వేతో జరిగిన మ్యాచ్‌లో 138 బంతుల్లో డబుల్ సెంచరీ సాధించాడు. ఇషాన్ కిషన్ కేవలం 126 బంతుల్లోనే 200 పరుగులు చేశాడు.
బంగ్లాదేశ్‌లో ఆడిన ఏ ఆటగాడు కూడా ఇంత వరకు డబుల్ సెంచరీ సాధించలేదు. గతంలో ఆస్ట్రేలియా బ్యాటర్ షేన్‌వాట్సన్ 185 పరుగులు చేశాడు. అదే ఇప్పటి వరకు అక్కడ అత్యధిక స్కోర్.
