వైసీపీ కౌంటర్… వెనక్కి తగ్గిన కేటీఆర్…

క్రెడాయ్ స‌మావేశంలో తెలంగాణ మంత్రి కేటీఆర్ ఏపీ అభివృద్ధిపై ప‌లు కీల‌క వ్యాఖ్య‌లు చేశారు. ఈ వ్యాఖ్య‌ల‌పై ఏపీ నుంచి ప‌ల‌వురు మంత్రులు, నేత‌లు కౌంట‌ర్ ఇచ్చిన సంగ‌తి తెలిసిందే. ఏపీ ప‌ర్యాట‌క మంత్రి రోజా, ఏపీలో జ‌రుగుతున్న అభివృద్ధి గురించి తెలియాలంటే ఏపీకి రావాల‌ని, ఏపీలో ప‌ర్య‌టిస్తే జ‌రుగుతున్న అభివృద్ధి గురించి తెలుస్తుంద‌ని అన్నారు. అలాగే పలువురు మంత్రులు,వైసీపీ నేతలు కేటీఆర్ పై విరిచుకుపడ్డారు. అయితే ఈ రగడ మరింత ముదిరేలా ఉండటంతో కేటీఆర్ తాను చేసిన వ్యాఖ్య‌ల‌ను వెన‌క్కి తీసుకుంటూ మ‌రో ట్వీట్ చేశారు. క్రెడాయ్ స‌మావేశంలో తాను అన్యాప‌దేశంగా చేసిన వ్యాఖ్య‌లు ఏపీలోని త‌న కొంత‌మంది స్నేహితుల‌ను బాధించింద‌ని, త‌న వ్యాఖ్య‌ల వెనుక ఉద్దేశం ఎవ‌రినో బాధించాల‌నో లేదా, కించ‌ప‌ర‌చాల‌నో కాద‌ని అన్నారు.

తాను ఏపీ సీఎం జ‌గ‌న్‌ను సోద‌ర స‌మానుడిగా భావిస్తున్నాన‌ని, జ‌గ‌న్ నాయ‌క‌త్వంలో ఏపీ మ‌రింత అభివృద్ధి సాధించాల‌ని మ‌న‌సారా కోరుకుంటున్నాన‌ని చెప్పి కేటీఆర్ ట్వీట్ చేశారు. మ‌రి ఈ ట్వీట్‌తో ఏపీ వైసీపీ నేత‌లు సంతృప్తి చెందుతారా? ఏపీ అభివృద్ధి విష‌యంలో కేటీఆర్ ట్వీట్‌పై టీడీపీ ఎలా స్పందిస్తుందో చూడాలి.

It appears that an innocuous comment that I had made at a meeting earlier today may have caused some unintentional pain to my friends in AP

I enjoy a great brotherly equation with AP CM Jagan Garu & wish that the state prospers under his leadership

— KTR (@KTRTRS) April 29, 2022