Ayodhya Temple: వచ్చే ఏడాది అసలు స్థానంలోకి రామ్ లల్లా!

Swami Govind Dev Giri Maharaj వచ్చే ఏడాది జనవరి మూడో వారంలో అయోధ్యలో నిర్మాణంలో ఉన్న రామమందిరంలో అసలు స్థానంలో రామ్‌లాలా విగ్రహాన్ని ప్రధాని నరేంద్ర మోదీ ప్రతిష్ఠించనున్నారు. రామ మందిర నిర్మాణం, నిర్వహణ కోసం ఏర్పాటు చేసిన శ్రీరామ జన్మభూమి తీర్థ క్షేత్ర ట్రస్ట్‌ కోశాధికారి స్వామి గోవింద్‌ దేవ్‌ గిరి మహారాజ్‌ ఈ విషయాన్ని వెల్లడించారు. ఆలయ నిర్మాణ పనులు కూడా శరవేగంగా జరుగుతున్నాయని తెలియజేశారు. స్వామి గోవింద్‌ దేవ్‌ గిరి మహారాజ్‌ విలేకరులతో మాట్లాడుతూ, 2024 జనవరి మూడో వారంలో ప్రధానమంత్రి నరేంద్ర మోదీ సహకారంతో రామ్ లల్లా విగ్రహాన్ని అసలు స్థలంలో ప్రతిష్ఠించనున్నట్లు తెలిపారు. ఆలయ నిర్మాణానికి, 2024 సాధారణ ఎన్నికలకు సంబంధం లేదన్న ఆయన మేము మా పని మాత్రమే చేస్తున్నామని అన్నారు. రాముడిని అసలు స్థానానికి మార్చాల్సిన సమయం ఆసన్నమైందని ఆయన అన్నారు. విగ్రహాన్ని అసలు స్థానానికి తరలించిన తర్వాత కూడా ఆలయ పనులు కొనసాగుతాయని మహంత్ దేవ్ గిరి తెలిపారు. “జనవరి 2024 లోపు గర్భగుడి, మొదటి అంతస్తు మరియు దర్శన ఏర్పాట్లు పూర్తి చేయాలని మేము లక్ష్యంగా పెట్టుకున్నాము” అని ఆయన చెప్పారు. యోగా, ఆయుర్వేదం, భారతీయ సంగీతం ప్రపంచ వ్యాప్తంగా వచ్చాయని, రానున్న కాలంలో ప్రపంచ వ్యాప్తంగా సాంస్కృతిక విప్లవం వస్తుందని అన్నారు. ఆయన అన్నారు.