Fake Website: రెచ్చిపోయిన సైబర్ కేటుగాళ్లు.. ఏకంగా సుప్రీంకోర్టు పేరుతో ఫేక్ వెబ్‌సైట్

సైబర్ కేటుగాళ్లు రోజురోజుకు రెచ్చిపోతున్నారు. వారి ఆగడాలు శృతిమించిపోతున్నాయి. ఇన్నిరోజులు బ్యాంకులు.. వ్యాపార సంస్థలను కొళ్లగొట్టిన కేటుగాళ్లు.. ఇప్పుడు ఏకంగా సుప్రీంకోర్టుకే (Supreme Court) ఎసరు పెట్టారు. సుప్రీంకోర్టు పేరిట ఫేక్ వెబ్‌సైట్ (Fake Website) క్రియేట్ చేశారు.

Fake Website: సైబర్ కేటుగాళ్లు రోజురోజుకు రెచ్చిపోతున్నారు. వారి ఆగడాలు శృతిమించిపోతున్నాయి. ఇన్నిరోజులు బ్యాంకులు.. వ్యాపార సంస్థలను కొళ్లగొట్టిన కేటుగాళ్లు.. ఇప్పుడు ఏకంగా సుప్రీంకోర్టుకే (Supreme Court) ఎసరు పెట్టారు. సుప్రీంకోర్టు పేరిట ఫేక్ వెబ్‌సైట్ (Fake Website) క్రియేట్ చేశారు. ఆ వెబ్‌సైట్ ద్వారా రహస్య సమాచారాన్ని, వ్యక్తిగత వివరాలను సేకరిస్తున్నారు. అయితే ఈ వెబ్‌సైట్ పట్ల అప్రమత్తంగా ఉండాలని దేశ సర్వోన్నత న్యాయస్థానం హెచ్చరించింది.

నకిలీ వెబ్‌సైట్ పట్ల అప్రమత్తంగా ఉండాలని సుప్రీంకోర్టు ప్రధాన న్యాయమూర్తి జస్టిస్ డీవై చంద్రచూడ్ (CJI Justice D Y Chandrachud) కూడా హెచ్చరించారు. వ్యక్తిగత సమాచారాన్ని ఎట్టి పరిస్థితిలోనూ షేర్ చేయొద్దని అన్నారు. ఆ వెబ్‌సైట్‌ను నగదు లావాదేవీలకు ఉపయోగించవద్దని సూచించారు. అటు సుప్రీంకోర్టు రిజిస్ట్రీ పబ్లిక్ నోటీసు జారీ చేసింది.

సైబర్ నేరగాళ్లు సుప్రీంకోర్టు పేరుతో నకిలీ వెబ్‌సైట్ రూపొందించారని.. దానితో వ్యక్తిగత వివరాలు, రహస్య సమాచారాన్ని సేకరిస్తున్నారని నోటీసుల్లో రిజిస్ట్రీ పేర్కొంది. ఆ వెబ్‌సైట్ www.sci.gov.in డొమైన్‌తో రిజిస్టర్‌ అయి ఉందని తెలిపింది. ఈ వెబ్‌సైట్ పట్ల అప్రమత్తంగా ఉండాలని.. రహస్య సమాచారాన్ని షేర్ చేయొద్దని సూచించింది. సుప్రీంకోర్టు రిజిస్ట్రీ ఎప్పుడూ.. ఆర్థిక లావాదేవీలు, రహస్య వివరాలు, వ్యక్తిగత సమాచారాన్ని కోరదని స్పష్టం చేసింది. ఈ నకిలీ వెబ్‌సైట్‌పై దర్యాప్తు ప్రారంభించామని.. బాధ్యులపై కఠిన చర్యలు తీసుకుంటామని వెల్లడించింది.