#OG:`ఓజీ` ఫ‌స్ట్‌లుక్ లేదు కానీ..ఆక‌లితో ఉన్న చిరుత వ‌చ్చేస్తోంది

#OG:ప‌వ‌ర్ స్టార్ ప‌వ‌న్ క‌ల్యాణ్ బ‌ర్త్‌డే స‌ర్ ప్రైజ్ రాబోతోంది. మునుపెన్న‌డూ లేని విధంగా క్రియాశీల రాజ‌కీయాల్లో యాక్టీవ్‌గా ఉంటూనే ప‌వ‌ర్ స్టార్ ప‌వ‌న్ క‌ల్యాణ్ వ‌రుస సినిమాల‌ని సెట్స్ పైకి తీసుకెళ్లిన విష‌యం తెలిసిందే. `వ‌కీల్ సాబ్‌`తో బాక్సాఫీస్ వ‌ద్ద దండ‌యాత్ర మొద‌లు పెట్టిన ప‌వ‌న్ క‌ల్యాణ్ ఇటీవ‌ల `బ్రో` మూవీతో ప్రేక్ష‌కుల‌ని అల‌రించారు.

#OG:ప‌వ‌ర్ స్టార్ ప‌వ‌న్ క‌ల్యాణ్ బ‌ర్త్‌డే స‌ర్ ప్రైజ్ రాబోతోంది. మునుపెన్న‌డూ లేని విధంగా క్రియాశీల రాజ‌కీయాల్లో యాక్టీవ్‌గా ఉంటూనే ప‌వ‌ర్ స్టార్ ప‌వ‌న్ క‌ల్యాణ్ వ‌రుస సినిమాల‌ని సెట్స్ పైకి తీసుకెళ్లిన విష‌యం తెలిసిందే. `వ‌కీల్ సాబ్‌`తో బాక్సాఫీస్ వ‌ద్ద దండ‌యాత్ర మొద‌లు పెట్టిన ప‌వ‌న్ క‌ల్యాణ్ ఇటీవ‌ల `బ్రో` మూవీతో ప్రేక్ష‌కుల‌ని అల‌రించారు. మేన‌ల్లుడు సాయి ధ‌ర‌మ్ తేజ్‌తో క‌లిసి తొలిసారి స్క్రీన్ షేర్ చేసుకున్న పవ‌న్ ఈ మూవీ త‌రువాత `ఓజీ`తో పాటు `హ‌రి హ‌ర వీర‌మ‌ల్లు`, `ఉస్తాద్ భ‌గ‌త్ సింగ్‌` సినిమాల్లో న‌టిస్తున్నారు.

ఇందులో ముందుగా `సాహో` ఫేమ్ సుజీత్ ద‌ర్శ‌క‌త్వంలో డీవీవీ దాన‌య్య నిర్మిస్తున్న స్టైలిష్ గ్యాంగ్ స్టార్ యాక్ష‌న్ డ్రామా `ఓజీ` ప్రేక్ష‌కుల ముందుకు రాబోతోంది. `ఆర్ ఆర్ ఆర్‌` సినిమాతో వ‌ర‌ల్డ్ వైడ్‌గా స్టార్ మేక‌ర్ గా గుర్తింపుని సొంతం చేసుకున్న దాన‌య్య ఈ సినిమాని ఎక్క‌డా కాంప్ర‌మైజ్ కాకుండా అత్యంత భారీ స్థాయిలో స్టైలిష్ యాక్ష‌న్ ఎంట‌ర్ టైన‌ర్‌గా నిర్మిస్తున్నారు. ప్ర‌స్తుతం షూటింగ్ ద‌శ‌లో ఉన్న సినిమాపై ప‌వ‌న్ క‌ల్యాణ్ అభిమానులు భారీ ఎక్స్ పెక్టేష‌న్స్ పెట్టున్నారు.

దీంతో ఈ సినిమా హాట్ టాపిక్‌గా మారింది. నెట్టింట ఇప్ప‌టికే ప‌వ‌న్ ఫ‌స్ట్ లుక్ ఇలా ఉంటుందంటే ఫ్యాన్ మేడ్ పోస్ట‌ర్స్ నెట్టింట కొన్ని రోజులుగా వైర‌ల్ అవుతున్నాయి. ఇదిలా ఉంటే ప‌వ‌ర్ స్టార్ ప‌వ‌న్ క‌ల్యాణ్ పుట్టిన రోజు వేడుక‌లు సెప్టెంబ‌ర్ 2న భారీ స్థాయిలో జ‌ర‌గ‌నున్నాయి. ఈ సంద‌ర్భాన్ని పుర‌స్కారించుకుని `ఓజీ` మూవీ నుంచి ఫ‌స్ట్ లుక్ రిలీజ్ అవుతుంద‌ని మెగా ఫ్యాన్స్ ఆస‌క్తిగా ఎదురు చూస్తున్నారు. అయితే మేక‌ర్స్ మాత్రం ఇందుకు భిన్నంగా ఫ‌స్ట్ లుక్ లేద‌ని ఆక‌లితో ఉన్న చిరుత వ‌చ్చేస్తోందని అప్ డేట్ ఇవ్వ‌డంతో అభిమానులు సంబ‌రాలు చేసుకుంటున్నారు.

మేక‌ర్స్ ప్ర‌క‌ట‌నని బ‌ట్టి ఫ‌స్ట్ లుక్ కాకుండా నేరుగా టీజ‌ర్‌ని విడుద‌ల చేస్తామ‌ని ఇండైరెక్ట్‌గా చెప్పిన‌ట్టు తెలుస్తోంది. టీజ‌ర్‌లో విజువ‌ల్స్‌తో పాటు బిజిఎమ్ అదిరిపోతుంద‌ని, ఆక‌లితో ఉన్న చిరుత కోసం సెప్టెంబ‌ర్ 2 వ‌ర‌కు వేచి చూడండ‌ని సోష‌ల్ మీడియా ట్విట్ట‌ర్ వేదిక‌గా వెల్ల‌డిస్తూ ఓ పోస్ట‌ర్‌ని అభిమానుల‌తో పంచుకున్నారు. ఆ పోస్ట‌ర్ ప్ర‌స్తుతం నెట్టింట వైర‌ల్‌గా మారి ప‌వ‌న్ అభిమానుల్లో సెల‌బ్రేష‌న్స్ మొద‌ల‌య్యేలా చేస్తోంది. భారీ యాక్ష‌న్ డ్రామాగా రూపొందుతున్న ఈ సినిమాలో ప్రియాంక అరుళ్ మోహ‌న్ హీరోయిన్‌గా న‌టిస్తోంది. బాలీవుడ్ న‌టుడు ఇమ్రాన్ హ‌ష్మీ, అర్జున్‌దాస్‌, హ‌రీష్ ఉత్త‌మ‌న్‌, ప్ర‌కాష్‌రాజ్‌, శ్రీ‌యారెడ్డి కీల‌క పాత్ర‌ల్లో న‌టిస్తున్నారు.

NO FIRST LOOK… Wanted to give an adrenaline rush with the visuals and BGM. 💥G.

Let’s await for THE #HUNGRYCHEETAH ON SEPTEMBER 2nd. Get your screens and woofers ready. 🔥🔥 #TheyCallHimOG pic.twitter.com/7PimBs3s1N

— DVV Entertainment (@DVVMovies) August 28, 2023