NRI DEAD IN AMERICA : అమెరికాలో భారత సంతతి మహిళ మృతి – వీడని మిస్టరీ

లహరిని ఎవరైనా హత్య చేశారా.. అసలేం జరిగిందన్నదే అంతు చిక్కటం లేదు..

NRI DEAD IN AMERICA : అమెరికా (America)లో భారత సంతతి మహిళ (NRI) లహరి పతివాడ (Lahari P)(25) అనుమానస్పద మృతి(Death) సంచలనంగా మారింది. ఐదు రోజుల క్రితం విధులకు వెళ్తూ అదృశ్యమైన లహరి ఆ మరుసటి రోజే టెక్సాస్‌కు (Texas) 322 కిలోమీటర్ల దూరంలో ఒక్లహోమా(Okhlahama) రాష్ట్రం (State)లో శవమై కనిపించారు. ఆమె ఎలా చనిపోయారు. అసలేం జరిగిందన్నదే అంతు చిక్కటం లేదు.

చివరిసారి…

టెక్సాస్‌లోని కొలిన్స్‌ కౌంటీ మెక్‌ కిన్నీ శివారులో లహరి నివాసం. లహరి చివరిసారిగా డల్లాస్(Dallas) శివారులోని ఎల్ డోరాడో పార్క్ వే, హార్డిన్ బౌలేవార్డ్ ప్రాంతంలో టయోటాను నడుపుతూ కనిపించారు.. ఓవర్‌ల్యాండ్‌ పార్క్‌ రీజినల్‌ మెడికల్‌ సెంటర్‌లో లహరి పనిచేస్తున్నారు. అయితే మే 12న లహరి ఎంతసేపటికీ ఇంటికి రాకపోవడంతో ఆమె కుటుంబ సభ్యులు ఆందోళనకు గురయ్యారు.అయితే లహరి ఫోన్ ఓక్లహోమాలో ట్రాక్ కావడంతో కుటుంబ సభ్యులు, స్నేహితులు విషయాన్ని పోలీసులకు తెలిపారు. అయితే మే 13న తన ఇంటికి దాదాపు 322 కిలోమీటర్ల దూరంలోని ఓక్లహోమా రాష్ట్రంలో లహరి శవమై కనిపించింది.

మిస్టరీ…

అయితే లహరి మరణానికి కారణమైన అంశాలపై పోలీసులు దర్యాప్తు చేస్తున్నారు. మృతదేహం ఎక్కడ కనిపించింది అనే దానితో పాటు మిస్సింగ్ కేసుకు సంబంధించిన మరింత సమాచారాన్ని పోలీసులు ఇంకా అధికారికంగా ప్రకటన విడుదల చేయాల్సి వుంది. బ్లా వ్యాలీ వెస్ట్ హైస్కూల్‌లో చదువుకున్న లహరి గ్రాడ్యుయేషన్‌ కూడా అక్కడే పూర్తి చేశారు. లహరి ఆకస్మిక మరణంతో ఆమె కుటుంబ సభ్యులు శోకసముద్రంలో మునిగిపోయారు. లహరి స్నేహితులు, స్థానికులు తీవ్ర దిగ్భ్రాంతి వ్యక్తం చేశారు.