Joe Biden: బైడెన్‌కు అగ్నిపరీక్ష కీలకంగా మధ్యంతర ఎన్నికలు

Joe Biden: మధ్యంతర ఎన్నికలకు అమెరికా సన్నద్ధమవుతోంది. ఇటు డెమొక్రాట్లకు, అటు రిపబ్లికెన్లకు, అధ్యక్షుడు జో బైడెన్​కు ఈ ఎన్నికలు ఎంతో కీలకంగా మారాయి. అమెరికాలో నవంబర్​ 8న.. ఎంతో కీలకమైన మధ్యంతర ఎన్నికలు జరగనున్నాయి. అధ్యక్షుడు జో బైడెన్​కు ఇది అగ్నిపరీక్ష అని పలువురు రాజకీయ విశ్లేషకులు భావిస్తున్నారు. ఎన్నికల్లో గెలుపు.. అటు డెమొక్రాట్లకు, ఇటు రిపబ్లికెన్లకు కీలకంగా మారింది. అమెరికా పార్లమెంట్ సభలో అన్నిస్థానాలకి సెనేట్​లో 35 స్థానాలకి అన్ని రాష్ట్రాల గవర్నర్ పదవులకు జరిగేవి ఈ సెనేట్ ఎన్నికలు ఇందులో బైడెన్ అగ్నిపరీక్ష ఎదుర్కోనున్నారు.

సెనేట్​లో 100 సీట్లు ఉంటాయి.50 రాష్ట్రాల నుంచి రాష్ట్రానికి ఇద్దరు చొప్పున సెనేట్​కు వెళతారు. ప్రస్తుతం ఇక్కడ 50-50తో డెమొక్రాట్స్​, రిపబ్లికెన్ల మధ్య సమానంగా సీట్లు​ ఉన్నాయి. అయితే.. ఉపాధ్యక్షురాలు కమలా హ్యారిస్​ డెమొక్రాట్​ కావడంతో ఈ పార్టీకి పవర్​ కాస్త ఎక్కువ ఉంది. కమలా హ్యారిస్​ వద్ద టై బ్రేకింగ్​ ఓటు ఉంటుంది. నవంబర్​లో 34 సీట్లకు ఓటింగ్​ జరగనుంది. గెలిచిన వారు 6ఏళ్ల పాటు సెనేట్​లో ఉంటారు.

పదవిలో ఉన్న పార్టీకి మధ్యంతర ఎన్నికలు అత్యంత కీలకం. కాంగ్రెస్​పై పట్టుకోల్పోతే.. కీలక బిల్లులను గట్టెక్కించడం చాలా కష్టంగా ఉంటుంది. అందుకే.. ఇప్పుడు డెమొక్రాట్లు గెలుపు కోసం తీవ్రంగా కృషి చేస్తున్నారు. 2024లోపు పాస్​ చేయాల్సిన బిల్లుల లిస్ట్​ను డెమొక్రాట్​ పార్టీ ఇప్పటికే సిద్ధం చేసుకుంది. కానీ ఏ ఒక్క సభలోనైనా రిపబ్లికెన్లు ఆధిపత్యం సాధిస్తే.. డెమొక్రాట్లకు పరిస్థితులు క్లిష్టంగా మారుతాయి. అంతేకాకుండా.. సెనేట్​ పదవీ కాలం 6ఏళ్లు కాబట్టి.. ఇప్పుడు గెలిచిన పార్టీకి 2024 అధ్యక్ష ఎన్నికల్లో కొంత బలం చేకూరుతుంది.

రెండేళ్లకిందట డెమొక్రాట్లు ప్రచారం చేసారు అప్పుడు బైడెన్ గెలిచారు. ఈసారి కూడా అలాగే డెమొక్రాట్లు ప్రజాస్వామ్యమని ఈ ఎన్నికలకి వెళ్లాలని నిర్ణయించుకున్నారు బైడెన్..ట్రంప్ పార్టీ నుండి ప్రజలకి ముప్పుందని వెల్లడిస్తూ ఈ ఎన్నికల్లో విజయం దిశగా ముందుకెళ్తున్నారు.