America: ఎన్నారైలపై అమెరికన్ నాయకుడు ప్రసంసల వర్షం!

Indian-Americans make up 1% of US population, pay 6% of taxes : అగ్రరాజ్యం అమెరికాలో ఉంటున్న ఎన్నారైలను ఆ దేశ కాంగ్రెస్ సభ్యుడు ప్రశంసలతో ముంచెత్తిన అంశం ఇప్పుడు హాట్ టాపిక్ అవుతోంది. అదేమంటే అమెరికా జనాభాలో కేవలం ఒక శాతం ఉన్న భారతీయ అమెరికన్లు పన్నుల చెల్లింపుల్లో మాత్రం ఆరు శాతం వాటా కలిగి ఉన్నారని ఆయన మనోళ్ల మీద ప్రసంశల వర్షం కురిపించారు. అలాగే ఇండియన్ కమ్యూనిటీ వారు ఎలాంటి సమస్యలు సృష్టించరు అదే విధంగా చట్టాలు గౌరవిస్తారని కూడా అన్నారు. గురువారం నాడు ప్రతినిధుల సభలో తన ప్రసంగంలో రిపబ్లికన్ నేత రిచ్ మెక్‌కార్మిక్ మన ఎన్నారైలపై ప్రశంసలు కురిపించారు. తాను ప్రాతినిధ్యం వహిస్తున్న జార్జియా నియోజకవర్గంలో భారతీయ అమెరికన్లు ఉద్దేశించి ఆయన ఈ మేరకు మాట్లాడారు. తన నియోజకవర్గంలో ఇండియా నుంచి వలస వచ్చిన వారే ఎక్కువని దాదాపు లక్ష మంది వరకు ఇక్కడకు వచ్చి స్థిరపడ్డారని ఆయన అన్నారు. ఈ ప్రాంతంలో ఉన్న ప్రతి ఐదారుగురు డాక్టర్లలో ఒకరు భారతీయులే ఉన్నారని పేర్కొన్న ఆయన ఇక్కడికి వలస వచ్చి స్థిరపడాలనుకునే వారికి ఇమ్మిగ్రేషన్ విధానాన్ని మరింత సులభతరం చేసేందుకు కూడా ప్రణాళిక సిద్ధం చేస్తున్నామని అన్నారు.