Floating ship: దక్షిణ చైనా సముద్రంలో మునిగిపోయిన చారిత్రక ఫ్లోటింగ్ షిప్
హాంకాంగ్‌కు చెందిన అతిపెద్ద ఫ్లోటింగ్ రెస్టారెంట్ దక్షిణ చైనా సముద్రంలో మునిగిపోయింది. కరోనా వైరస్ కారణంగా 2020లో ఈ అతిపెద్ద ఫ్లోటింగ్ రెస్టారెంట్‌ను మూసివేసినప్పటి నుంచి దాని వాటాదారులు తీవ్ర ఆర్థిక ఒత్తిడి ఎదుర్కొంటున్నారు. ఈ నౌకలో 3 బిలియన్ల మందికిపైగా ఇప్పటి వరకు ఆతిథ్యం స్వీకరించారు. క్వీన్ ఎలిజబెత్ 2, హాలీవుడ్ ప్రముఖ నటుడు టామ్ క్రూజ్, బ్రిటిష్ పారిశ్రామికవేత్త రిచర్డ్ బ్రాన్సన్ తదితరులు ఈ రెస్టారెంట్‌లో విందు ఆరగించినవారే. జేమ్స్ బాండ్ సహా పలు సినిమాల్లోనూ ఈ రెస్టారెంట్ కనిపించింది. కరోనా తర్వాత ఈ రెస్టారెంట్‌కు ఆదరణ తగ్గింది. వ్యాపారం దారుణంగా దెబ్బతింది. అయితే, 2013 నుంచే ఈ వ్యాపారం లాభదాయకంగా లేదని, భారీ నష్టాలు మూటగట్టుకోవాల్సి వచ్చిందని షిప్ యాజమాన్యం చెబుతోంది.
