Helicopter Crash: ఉక్రెయిన్లో హెలికాప్టర్ ప్రమాదం.. 18 మంది మృతి

Helicopter Crash: ఉక్రెయిన్‌లో ఒక పెద్ద హెలికాప్టర్ క్రాష్ జరిగింది, దీనిలో హోమ్ మంత్రి డెనిస్ మొనాస్టిర్స్కీతో సహా పలువురు ఉన్నతాధికారులు మరణించారు. ఈ ప్రమాదంలో మొత్తం 18 మంది మృతి చెందినట్లు పోలీసులు బుధవారం నాడు తెలిపారు. రాజధాని కైవ్ శివార్లలో ఈ ప్రమాదం జరిగింది. ఉక్రెయిన్ రాజధాని కైవ్ వెలుపల బోవరీ సమీపంలోని పాఠశాల సమీపంలో హెలికాప్టర్ కూలిపోయిందని ఆ ప్రాంత గవర్నర్ చెప్పారు. “బ్రోవరీ పట్టణంలోని కిండర్ గార్టెన్, అలాగే ఒక నివాస భవనం సమీపంలో హెలికాప్టర్ కూలిపోయింది” అని కైవ్ ప్రాంతీయ పరిపాలన అధిపతి ఒలెక్సీ కులేబా ఒక ప్రకటనలో తెలిపారు. ఘటన జరిగినప్పుడు పిల్లలు, పాఠశాల సిబ్బంది కూడా అక్కడే ఉన్నారు. ఈ క్రమంలో చిన్నారులు సహా 9 మంది అత్యవసర సేవల సిబ్బంది కూడా మరణించారు. విషయం తెలుసుకున్న వెంటనే పోలీసులు, వైద్య సిబ్బంది సంఘటనా స్థలానికి చేరుకున్నారు. ఉక్రెయిన్ పోలీసు చీఫ్ ఇగోర్ క్లెమెన్కో మాట్లాడుతూ, ‘ప్రస్తుతం హెలికాప్టర్ ప్రమాదంలో 18 మంది మరణించారు. మరణించిన వారిలో ఉక్రెయిన్ అంతర్గత మంత్రి డెనిస్ మొనాస్టైర్స్కీ కూడా ఉన్నారు. మృతుల్లో తొమ్మిది మంది హెలికాప్టర్‌లో ఉన్నారని పోలీసులు తెలిపారు. మృతుల్లో ముగ్గురు చిన్నారులు ఉన్నారు. ఈ ప్రమాదంలో గాయపడిన 10 మందిని ఆస్పత్రికి తరలించారు. స్థానిక టీవీ ఛానెల్ కథనం ప్రకారం, కిండర్ గార్టెన్ సమీపంలో నిలబడి ఉన్న వ్యక్తి కూడా ప్రమాదంలో మరణించాడు. ఇది ప్రమాదమా లేక కుట్ర జరిగిందా అనే విషయంపై ఉక్రెయిన్ ఇంకా ఎలాంటి ప్రకటన చేయలేదు. రాజధాని కీవ్‌కు ఈశాన్యంగా 20 కిలోమీటర్ల దూరంలో ఉన్న బ్రోవరీలో ఈ ప్రమాదం జరిగింది. యుద్ధం ప్రారంభంలో, ఈ ప్రాంతంపై రష్యా మరియు ఉక్రేనియన్ దళాల మధ్య పెద్ద యుద్ధం జరిగింది. తరువాత ఏప్రిల్‌లో రష్యా సైన్యం వెనక్కి తగ్గింది.