Elon Musk: మస్క్ కీలక నిర్ణయం.. ఎక్స్ ప్లాట్ ఫామ్‌లో ఆడియో, వీడియో కాల్స్

ఎలాన్ మస్క్ కీలక ప్రకటన చేశారు. ఎక్స్ ప్లాట్ ఫామ్‌లో ఆడియో, వీడియో కాల్ ఫీచర్ తీసుకొస్తున్నట్లు వెల్లడించారు.

Elon Musk: టెస్లా అధినేత ఎలాన్ మస్క్ (Elon Musk) సంచలన నిర్ణయాలు తీసుకుంటూ తరచూ వార్తల్లో నిలుస్తున్నారు. ఇటీవల ప్రముఖ మైక్రోబ్లాగింగ్ ప్లాట్ ఫామ్ ట్విట్టర్ (Twitter) పేరును ఎక్స్‌ (X)గా మార్చి సంచలనానికి తెరతీశారు. తాజాగా ఎక్స్‌ప్లాట్ ఫామ్‌లో సరికొత్త ఫీచర్లను తీసుకురానున్నట్లు మస్క్ ప్రకటించారు. ఇకపై ఎక్స్ ప్లాట్ ఫామ్‌లో ఆడియో (Audio), వీడియో కాల్స్ (Video Calls) చేసుకునేందుకు వీలుగా కొత్త ఫీచర్‌ను తీసుకురానున్నట్లు వెల్లడించారు. త్వరలో ఈ ఫీచర్‌ను యూజర్లకు అందుబాటులోకి తీసుకొస్తామని మస్క్ తెలిపారు.

ఆండ్రాయిడ్, ఐఓఎస్ మొబైల్ ఫోన్లకు ఈ సౌకర్యం అందుబాటులోకి తీసుకుని రానున్నట్లు మస్క్ వెల్లడించారు. అలాగే మ్యాక్, పర్సనల్ కంప్యూటర్స్‌ నుంచి ఎక్స్ అకౌంట్‌లోకి లాగిన్ కావడం ద్వారా కాల్స్ చేసుకోవచ్చని పేర్కొన్నారు. అయితే ఎటువంటి ఫోన్ నంబర్ లేకుండానే కాల్స్ చేసుకోవచ్చని ఎలాన్ మస్క్ స్పష్టం చేశారు. ఎక్స్ ప్లాట్‌ఫామ్‌పై అకౌంట్ ఉంటే సరిపోతుందని.. తమ అకౌంట్‌ను ఓపెన్ చేసి, అందులో కొత్తగా చేర్చబోయే ఆడియో లేదా వీడియో కాలింగ్ ఆప్షన్ క్లిక్‌ చేయడం ద్వారా ఈ ఫోన్ చేసుకోవచ్చని వివరించారు. ఈ మేరకు ఎలాన్ మస్క్ ఎక్స్ ప్లాట్ ఫామ్‌లో పోస్టు పెట్టారు.

Video & audio calls coming to X:

– Works on iOS, Android, Mac & PC
– No phone number needed
– X is the effective global address book

That set of factors is unique.

— Elon Musk (@elonmusk) August 31, 2023