TSRTC Offers: హైదరాబాద్ ఆర్టీసీ కొత్త ఆఫర్లు తెలుసా?
TSRTC Offers: గ్రేటర్‌ హైదరాబాద్‌లో ఆర్టీసి టి-6, ఫ్యామిలీ-24 పేరుతో కొత్త టికెట్లను ప్రవేశ పెట్టారు. మహిళలు, సీనియర్‌ సిటిజన్ల సౌకర్యార్థం టి-6 టికెట్‌ను సంస్థ అందుబాటులోకి తెస్తున్నట్టు తెలుస్తోంది. రూ.50 చెల్లించి గ్రేటర్‌ హైదరాబాద్ పరిధిలోని సిటి ఆర్డినరీ, మెట్రో బస్సుల్లో ఆరు గంటల పాటు వారు ఎక్కడి నుంచి ఎక్కడికైనా ప్రయాణం చేసే అవకాశం ఉంటుంది. అయితే ఉదయం 10 గంటల నుంచి సాయంత్రం 4 గంటల వరకు మాత్రమే టి-6 టికెట్‌ చెల్లుబాటు కానుందని తెలుస్తోంది. హైదరాబాద్‌లోని బస్ భవన్లో గురువారం టి-6, ఫ్యామిలీ-24 టికెట్ల పోస్టర్లను టీఎస్ఆర్టీసీ ఎండీ వీసీ సజ్జనర్ ఆవిష్కరించి ఈ టికెట్లు శుక్రవారం నుంచి బస్ కండక్టర్ల వద్ద అందుబాటులో ఉంటాయని తెలిపారు. ఇక 60 ఏళ్లు పైబడిన సీనియర్‌ సిటిజన్లకు టి-6 టికెట్‌ వర్తిస్తుందని, టికెట్‌ తీసుకునే సమయంలో వయసు ద్రువీకరణ కోసం వారు ఆధార్‌ కార్డు చూపించాల్సి ఉంటుందని అంటున్నారు. ఇక వీకెండ్స్, సెలువు రోజుల్లో కుటుంబ సభ్యులు, స్నేహితులు కలిసి ప్రయాణించేందుకు వీలుగా ఫ్యామిలీ-24 టికెట్‌ను కూడా అందుబాటులోకి తెచ్చింది. ఈ టికెట్‌కు రూ.300 చెల్లిస్తే.. నలుగురు రోజంతా సిటీ ఆర్డినరీ, మెట్రో బస్సుల్లో ఎక్కడి నుంచి ఎక్కడి దాకా ప్రయాణించవచ్చు. అయితే శని, ఆదివారాలతో పాటు సెలవు దినాల్లో మాత్రమే ఈ ఆఫర్ ప్రయాణికులకు అందుబాటులో ఉంటుంది.
