MLC Kavitha: కవిత విచార‌ణ‌పై కొన‌సాగుతున్న స‌స్పెన్స్
MLC Kavitha: డిసెంబ‌ర్ 6 వ తేదీన విచార‌ణ‌కు రెడీగా ఉండాల‌ని ఎమ్మెల్సీ క‌విత‌కు సీబీఐ నోటీసులు జారీ చేసిన సంగ‌తి తెలిసిందే. హైదరాబాద్ లోని కవిత ఇంట్లోనే విచార‌ణ నిర్వ‌హిస్తామ‌ని సీబీఐ నోటీసుల్లో పేర్కొన్న‌ది. దీనికి కవిత కూడా సిద్ధంగా ఉన్న‌ట్లు పేర్కొన్నారు. అయితే, కవిత సీబీఐ నుంచి కొన్ని డాక్యుమెంట్స్‌ను కోరారు. అంతేకాకుండా, సీబీఐకి కవిత మ‌రో లేఖ కూడా రాశారు. ముందుగా అనుకున్న విధంగా తాను డిసెంబ‌ర్ 6 వ తేదీన అందుబాటులో ఉండ‌లేన‌ని, ముందుగా ఖ‌రారైన కార్య‌క్ర‌మాల వ‌ల‌న ఈరోజు స‌మావేశం కాలేన‌ని ఎమ్మెల్సీ కవిత సీబీఐకి లేఖ రాశారు.
ఈ లేఖ‌లో 11,12,14,15 తేదీల్లో అందుబాటులో ఉంటాన‌ని, ఆ తేదీల్లో ఒక తేదీన స‌మావేశం ఖ‌రారు చేయాల‌ని సీబీఐకి లేఖ రాశారు. అయితే, ఈలేఖ‌పై సీబీఐ నుంచి ఇంకా ఎలాంటి స‌మాధానం రాలేదు. ఈరోజు ఉద‌యం 11 గంట‌ల త‌రువాత కవిత జ‌గిత్యాల బ‌య‌లుదేరి వెళ్ల‌నున్నారు. రేపు జ‌గిత్యాల‌లో సీఎం కేసీఆర్ స‌భ జ‌ర‌గ‌నున్న‌ది. ఈ స‌భ‌కు సంబంధించిన ఏర్పాట్ల‌ను స‌మీక్షించాల్సి ఉన్నందున ఈరోజు స‌మావేశానికి హాజ‌రుకాలేన‌ని తెలిపింది. అయితే, నాలుగు తేదీల‌పై సీబీఐ ఇంకా ఎలాంటి రిప్లై ఇవ్వ‌లేదు. తాను ద‌ర్యాప్తుకు పూర్తిగా స‌హ‌క‌రిస్తాన‌ని కవిత ప్ర‌క‌టించింది. ఎమ్మెల్సీ కవిత రిప్లైపై సీబీఐ ఎలా స్పందిస్తుందో చూడాలి.
