Telangana BJP Meeting: నేడు బీజేపీ నేత‌ల కీల‌క భేటీ… వీటిపైనే చ‌ర్చ‌

తెలంగాణ‌లో బీజేపీ క్ర‌మంగా బ‌ల‌ప‌డుతున్న‌ది. అయితే, కర్ణాట‌క‌లో అధికాంలో ఉన్న పార్టీ ఓట‌మిపాల‌వ్వ‌డంతో జాగ్ర‌త్త‌గా అడుగులు వేయాల‌ని నిర్ణ‌యించింది. చేసిన అభివృద్ధితోనే ప్ర‌జ‌ల ముందుకు వెళ్లాలని కాషాయం నేత‌లు భావిస్తున్నారు.

Telangana BJP Meeting: తెలంగాణ‌లో బీజేపీ క్ర‌మంగా బ‌ల‌ప‌డుతున్న‌ది. అయితే, కర్ణాట‌క‌లో అధికాంలో ఉన్న పార్టీ ఓట‌మిపాల‌వ్వ‌డంతో జాగ్ర‌త్త‌గా అడుగులు వేయాల‌ని నిర్ణ‌యించింది. చేసిన అభివృద్ధితోనే ప్ర‌జ‌ల ముందుకు వెళ్లాలని కాషాయం నేత‌లు భావిస్తున్నారు. తెలంగాణలో ఆ పార్టీ ఇప్ప‌టి వ‌ర‌కు అధికారంలోకి రాలేదు. మూడు ద‌శాబ్దాలుగా పార్టీ ఆ అవ‌కాశం కోసం వేచి చూస్తున్న‌ది. కాగా, ఇప్పుడు ఆ అవ‌కాశాల‌కు మార్గం సుగ‌మం అవుతుండ‌టంతో పార్టీలో పొర‌పొచ్చాలు లేకుండా, లుక‌లుక‌లు రాకుండా చూసుకోని ముందుకు న‌డిపించాల‌ని చూస్తున్నారు. ఇందులో భాగంగానే నేడు పార్టీ కార్య‌వ‌ర్గ స‌మావేశాన్ని ఏర్పాటు చేస్తున్నారు. ఈ స‌మావేశం చంపాపేట‌లోని పార్టీ కార్యాల‌యంలో జ‌ర‌గ‌నున్న‌ది. ఈ స‌మావేశంలో పార్టీ అధ్య‌క్షుడు బండి సంజ‌య్‌తో పాటు పార్ల‌మెంట్ బోర్డ్ స‌భ్య‌లు ల‌క్ష్మ‌ణ్‌, పార్టీ ఇన్‌చార్జ్‌లు శివ‌ప్ర‌కాష్‌, త‌రుణ్ చుగ్‌, సునీల్ బ‌న్సాల్, పార్టీ జాతీయ ఉపాధ్య‌క్షురాలు డీకే అరుణ త‌దిత‌రులు హాజ‌రుకానున్నారు.

ఈ స‌మావేశంలో పార్టీ కీల‌క అంశాల‌పై చ‌ర్చించ‌బోతున్న‌ట్టు స‌మాచారం. ముఖ్యంగా దేశంలో గ‌త తొమ్మిదేళ్లుగా మోడీ ప్ర‌భుత్వం అధికారంలో ఉంది. కేంద్ర ప్ర‌భుత్వం చేసిన అభివృద్ధి గురించి ఈ స‌మావేశంలో చ‌ర్చించ‌నున్నారు. దీంతో పాటుగా, కేంద్రం చేసిన అభివృద్దిని ప్ర‌జ‌ల్లోకి ఏ విధంగా తీసుకెళ్లాల‌నే దానిపై కూడా చ‌ర్చించే అవ‌కాశం ఉంది. కేంద్రం రాష్ట్రానికి ఇచ్చిన నిధుల‌పై కూడా చ‌ర్చించ‌నున్నారు. రాష్ట్రంలో గ‌త తొమ్మిదేళ్లుగా అధికారంలో ఉన్న బీఆర్ఎస్ పార్టీ వైఫ‌ల్యాల‌పైనా, వాటిని ప్ర‌జ‌ల్లోకి తీసుకెళ్లేందుకు అనుస‌రించాల్సిన వ్యూహాల‌పైనా చ‌ర్చించ‌నున్నారు.