Bandi Sanjay: కల్వకుంట్ల కుటుంబానికి దేవాలయాలు వ్యాపార కేంద్రాలుగా మారాయి

Bandi Sanjay counters KTR comments on Yadadri

యాదాద్రి అభివృద్ధి అనేది పెట్టుబడిగా, పవిత్ర హుండీకి ప్రజల విరాళాలు రాబడి అని కేటీఆర్ చేసిన వ్యాఖ్య‌ల‌కు తెలంగాణ బీజేపీ చీఫ్ బండి సంజ‌య్ కౌంట‌ర్ ఇచ్చారు. ట్విట్ట‌ర్ వేదిక‌గా విమ‌ర్శ‌లు గుప్పించారు. కల్వకుంట్ల కుటుంబానికి దేవాలయాలు వ్యాపార కేంద్రాలుగా మారాయని విమ‌ర్శించారు. బీఆర్‌ఎస్ ఖమ్మం సమావేశానికి ముందు హిందూ దేవాలయాన్ని పెట్టుబడి అవకాశంగా చూపించేందుకు ఇతర రాష్ట్రాల సీఎంలను కేసీఆర్ తీసుకొస్తున్నారా అని బండి సంజ‌య్ ప్ర‌శ్నించారు.

Temples have become business centers for Kalvakuntla family. Yadadri development is an investment & public contributions to holy Hundi are returns says #TwitterTillu

Is KCR taking other states CMs to showcase Hindu temple as investment opportunity ahead of BRS Khammam meeting ?

— Bandi Sanjay Kumar (@bandisanjay_bjp) January 17, 2023

కేసీఆర్, కేటీఆర్ ల‌ను విమ‌ర్శించ‌డంలో బండి సంజ‌య్ ఆరితేరిపోయారు. ఎప్ప‌టిక‌ప్పుడు విమ‌ర్శ‌లు గుప్పిస్తునే ఉన్నారు. గులాబీ నేత‌లు చేసే వ్యాఖ్య‌ల‌ను తిప్పికొట్ట‌డంలో కూడా బండి సంజ‌య్ వెనుకాడ‌రు. బండి సంజ‌య్ లోని ఈ దూకుడు ల‌క్ష‌ణాలే బీజేపీ అగ్ర‌నాయ‌కుల‌కు బాగా న‌చ్చాయి. ప్ర‌ధాని న‌రేంద్ర మోడీ స్వ‌యంగా చాలా సంద‌ర్భాల్లో బండి సంజ‌య్ ను మెచ్చుకున్నారు. స‌భావేదిక‌పైనా, ఫోన్లో మాట్లాడే స‌మ‌యంలోను, వీడియో కాన్ఫ‌రెన్స్ సంద‌ర్భంగా కూడా ప‌లు సార్లు బండి సంజ‌య్ పై ప్ర‌శంస‌లు కురిపించారు. అగ్ర నేత‌ల కురిపిస్తున్న అభిమానంతో బండి సంజ‌య్ మ‌రింత రాటు దేలారు. తీరిక లేకుండా ప్ర‌జ‌ల‌తో మ‌మేకం అవుతున్నారు. అనేక కార్య‌క్ర‌మాలు చేప‌డుతూ ముందుకు సాగుతున్నారు. తెలంగాణ‌లో అధికారంలోకి రావ‌డమే ల‌క్ష్యంగా దూసుకుపోతున్నారు.