RRR: జగన్ ట్వీట్.. సిగ్గుపడుతున్నా అన్న సింగర్
Singer Adaan Sami Sensational Comments About AP CM Jagan: ఆస్కార్ ఎట్టకేలకు ఇండియా వచ్చేసింది. ఆర్ఆర్ఆర్ సినిమాలోని నాటు నాటు సాంగ్ కు ఆస్కార్ అవార్డు వచ్చిన విషయం తెల్సిందే. ఇక ఈ అవార్డు అందుకోవడంతో ఇండియా మొత్తం ఆర్ఆర్ఆర్ సినిమాను, చిత్ర బృందాన్ని ఆకాశానికి ఎత్తేస్తున్నారు. ప్రధాని దగ్గరనుంచి సీఎంలు, రాజకీయ ప్రముఖులు, సినీ ప్రముఖులు చిత్ర బృందానికి శుభాకాంక్షలు తెలుపుతున్నారు. ఇక ఏపీ సీఎం జగన్మోహన్ రెడ్డి సైతం ఆర్ఆర్ఆర్ పై ప్రశంసలు కురిపించారు. ” తెలుగు జెండా పైకి ఎగురుతుంది. ఈరోజు అంతర్జాతీయంగా మన జానపద వారసత్వాన్ని ఎంతో అందంగా జరుపుకుంటున్న తెలుగు పాట పట్ల నేను గర్వపడుతున్నాను” అంటూ రాసుకొచ్చారు.
ఇక ఈ ట్వీట్ పై బాలీవుడ్ సింగర్ అదాన్ సామీ విమర్శించడం ప్రస్తుతం హాట్ టాపిక్ గా మారింది. భారత జెండా అనకుండా తెలుగు జెండా అనడం ఏంటి అంటూ ఆయన విమర్శించాడు. తన చిన్న ముక్కుకు మించిన సముద్రం గురించి ఆలోచించలేని చెరువులో ప్రాంతీయ మనస్తత్వం ఉన్న కప్ప..ప్రాంతీయ విభజనలను సృష్టించినందుకు మరియు జాతీయ అహంకారాన్ని ఆలింగనం చేసుకోలేక పోతున్నందుకు సిగ్గుపడుతున్నాను. జై హింద్. అంటూ చెప్పుకొచ్చాడు. ప్రస్తుతం ఈ ట్వీట్ నెట్టింట వైరల్ గా మారింది. మరి ఈ ట్వీట్ పై సీఎం జగన్ ఎలా స్పందిస్తాడో చూడాలి.
What a regional minded frog in a pond who can’t think about the ocean because it’s beyond his tiny nose!! Shame on you for creating regional divides & unable to embrace or preach national pride!
Jai HIND!!🇮🇳 https://t.co/dodc3f0bfL— Adnan Sami (@AdnanSamiLive) March 13, 2023
