Samantha: చైతన్య డేటింగ్ రూమర్స్.. సమంత ఏమన్నదంటే..?
Samantha Strong Counter To Trolls: అక్కినేని నాగ చైతన్య, సమంత గతేడాది తమ వైవాహిక జీవితానికి స్వస్తి పలుకుతున్నట్లు ప్రకటించి అభిమానులకు షాక్ ఇచ్చారు. అప్పటినుంచి సామ్ పై అక్కినేని అభిమానులు పగ పట్టారు. ఆమె ఏం చేసినా ట్రోల్ చేయడం మొదలు పెట్టారు. ఇక ఆ ట్రోల్స్ కు సామ్ కూడా అప్పుడప్పుడు స్పందిస్తూ వారికి గట్టి కౌంటర్ ఇస్తూ ఉంటుంది. ఇక తాజాగా మరోసారి ట్రోలర్స్ కి సామ్ స్ట్రాంగ్ కౌంటర్ ఇచ్చింది. నిన్నటి నుంచి నాగ చైతన్య, హీరోయిన్ శోభితా ధూళిపాళ్ల తో డేటింగ్ చేస్తున్నాడు అంటూ వార్తలు గుప్పుమన్నాయి. ఇక ఈ వార్త రాగానే మరోసారి సామ్ ఫ్యాన్స్, చై ఫ్యాన్స్ రెచ్చిపోయారు.
ఒకరిది తప్పు అంటే మరొకరిది తప్పు అంటూ సోషల్ మీడియా వేదికగా దూషించుకున్నటున్నారు. అయితే ఈ వార్తలపై సామ్ స్పందించింది. ఒక వైబ్ సైట్ లో చైతన్య డేటింగ్ రూమర్స్ వలన సామ్ ఫ్యాన్స్ , చైతన్య ఫ్యాన్స్ మధ్య వార్ జరుగుతున్నదని, అందులో సామ్, చై పీఆర్ టీమ్స్ కూడా ఉన్నాయని వచ్చిన వార్తను షేర్ చేస్తూ ట్రోలర్స్ కి షాక్ ఇచ్చింది. “అమ్మాయిల మీద రూమర్స్ వస్తే.. అవి నిజాలుగా ప్రచారం చేస్తారు . అబ్బాయిల మీద రూమర్స్ వస్తే.. అవి అమ్మాయి వర్గం వారు క్రియేట్ చేసినవని ప్రచారం చేస్తుంటారు.. ఎదగండి.. అబ్బాయిలు.. మీరు గొడవపడుతున్న వారు ఎప్పుడో దీని గురించి ఆలోచించడం మానేసి ముందుకు వెళ్లిపోయారు.. మీరింకా అక్కడే ఉన్నారు.. మీరు కూడా వాటిని వదిలేసి ముందుకు కదలండి.. మీ గురించి, మీ కుటుంబం గురించి ఆలోచించండి” అంటూ చెప్పుకొచ్చింది.
ఇక ఈ ట్వీట్ నెట్టింట వైరల్ గా మారింది. ఒక్క ట్వీట్ తో ట్రోలర్స్ కు కొరడా దెబ్బ కొట్టినంత పనిచేసింది. ఎటువంటి అసభ్యకరమైన పదాలు వాడకుండా నోరు మూసుకొని మీ పని మీరు చూసుకోండి అని ఎంతో పద్దతిగా చెప్పిందని పలువురు సామ్ ను ప్రశంసిస్తున్నారు. ఇక మరికొందరు అస్సలు ఆ వార్త చాలామందికి తెలియదు. నువ్వే అనవసరంగా ట్వీట్ చేసి వారిని హైప్ చేస్తున్నావ్.. ఇప్పుడు నిన్ను నువ్వు మంచిగా చూపించుకోవడానికి ఈ ట్వీట్ చేశావంటూ చెప్పుకొస్తున్నారు. మరి ఈ ట్వీట్స్ పై అక్కినేని హీరో ఎలా స్పందిస్తాడో చూడాలి.
Rumours on girl – Must be true !!
Rumours on boy – Planted by girl !!
Grow up guys ..
Parties involved have clearly moved on .. you should move on too !! Concentrate on your work … on your families .. move on!! https://t.co/6dbj3S5TJ6— Samantha (@Samanthaprabhu2) June 21, 2022
