Ram Charan: తారక్.. నీతో కలిసి మళ్లీ డ్యాన్స్ చేయాలని ఉంది
Ram Charan Tweet Viral In Social Media: ఇండియా మొత్తం ప్రార్దించినట్లే మన ఆర్ఆర్ఆర్ కు ఆస్కార్ వచ్చేసింది. నాటు నాటు సాంగ్ కు బెస్ట్ ఒరిజినల్ సాంగ్ కేటగిరిలో అవార్డు దక్కింది. దీంతో ప్రతి భారతీయుడు గర్వించదగ్గ క్షణం ఇది కావడంతో ఆర్ఆర్ఆర్ చిత్ర బృందాన్ని ప్రతి భారతీయుడు ఆకాశానికి ఎత్తేస్తున్నారు. ఇక ఈ అవార్డు దక్కడానికి కారణమైన హీరోలు సైతం తమ ఆనందాన్ని ట్వీట్స్ రూపంలో చెప్పుకొస్తున్నారు. ఆస్కార్ అందుకున్న ఆనందంలో రామ్ చరణ్, తారక్ తమదైన ఆనందాన్ని అభిమానులతో పంచుకున్నారు. ముఖ్యంగా రామ్ చరణ్ తన మనోభావాలను ఒక ప్రకటన ద్వారా తెలియజేశాడు.
“మనం గెలిచాం.. మన ఇండియన్ సినిమాగా గెలిచాం.. మన దేశంగా గెలిచాం..ఆస్కార్ అవార్డ్ ఇంటికి వస్తోంది.. అని తెలుపుతూనే.. “RRR అనేది మన జీవితాల్లో మరియు భారతీయ సినిమా చరిత్రలో అత్యంత ప్రత్యేకమైన చిత్రంగా నిలిచిపోతుంది. ఆస్కార్ అవార్డును అందించినందుకు నేను అందరికీ కృతజ్ఞతలు చెప్పలేను. ఇప్పటికీ నేను కలలో జీవిస్తున్నట్లు అనిపిస్తుంది. తిరుగులేని మద్దతు మరియు ప్రేమ కోసం మీ అందరికీ ధన్యవాదాలు. SS రాజమౌళి గారు మరియు MM కీరవాణి గారు మన భారతీయ చలనచిత్ర పరిశ్రమలో అత్యంత విలువైన రత్నాలు. ఈ కళాఖండంలో భాగమయ్యే అవకాశం ఇచ్చినందుకు మీ ఇద్దరికీ ధన్యవాదాలు.
నాటు నాటు అనేది ప్రపంచవ్యాప్తంగా ఒక భావోద్వేగం. ఈ భావోద్వేగాన్ని ఒకచోట చేర్చినందుకు గీత రచయిత చంద్రబోస్ గారు, గాయకులు రాహుల్ సిప్లిగంజ్ & కాల భైరవ మరియు కొరియోగ్రాఫర్ ప్రేమ్ రక్షిత్‌లకు ధన్యవాదాలు. నా సహనటుడు తారక్‌కి- ధన్యవాదాలు.. సోదరా నీతో కలిసి డ్యాన్స్ చేసి మళ్లీ రికార్డులు సృష్టించాలని ఆశిస్తున్నాను.మధురమైన సహనటిగా నిలిచినందుకు అలియా భట్‌కి ధన్యవాదాలు.ఈ అవార్డు ప్రతి భారతీయ నటునికి, సాంకేతిక నిపుణుడికి మరియు సినిమా ప్రేక్షకుడికి చెందుతుంది. ప్రేమ మరియు మద్దతు కోసం ప్రపంచవ్యాప్తంగా ఉన్న అభిమానులందరికీ నా హృదయపూర్వక ధన్యవాదాలు. ఇది మన దేశం సాధించిన విజయం” అని చెప్పుకొచ్చాడు. ప్రస్తుతం ఈ ట్వీట్ నెట్టింట వైరల్ గా మారింది.
We have won!!
We have won as Indian Cinema!!
We won as a country!!
The Oscar Award is coming home!@ssrajamouli @mmkeeravaani @tarak9999 @boselyricist @DOPSenthilKumar @Rahulsipligunj @kaalabhairava7 #PremRakshith @ssk1122 pic.twitter.com/x8ZYtpOTDN— Ram Charan (@AlwaysRamCharan) March 13, 2023
