God Father: సల్మాన్ తో చిరు స్టెప్స్.. మొదలు
Megastar Shares Dancing Pic With Salman Khan: మెగాస్టార్ చిరంజీవి ప్రస్తుతం వరుస సినిమాలు చేస్తున్న విషయం తెల్సిందే. అందులోగాడ్ ఫాదర్ ఒకటి. కొణిదెల ప్రొడక్షన్ కంపెనీ, సూపర్ గుడ్ ఫిలిమ్స్ సంస్థలు కలిసి దీనిని నిర్మిస్తున్నాయి.మోహన్ రాజా దర్శకత్వంలో తెరకెక్కుతున్న ఈ చిత్రంలో బాలీవుడ్ స్టార్ హీరో సల్మాన్ ఖాన్ ఒక గెస్ట్ పాత్రలో కనిపిస్తున్న విషయం తెల్సిందే. అంతేకాకుండా ఈ చిత్రంలో చిరు, సల్మాన్ కలిసి ఒక సాంగ్ లో కనిపించనున్నారని ఇప్పటికే మేకర్స్ అధికారికంగా ప్రకటించారు. ఇక తాజాగా ఈ సాంగ్ షూట్ ను మొదలుపెట్టినట్లు చిరు చెప్పుకొచ్చాడు.
ఇక దీనికి సంబందించిన ఒక క్రేజీ ఫోటోను మెగాస్టార్ చిరంజీవి తన సోషల్ మీడియా అకౌంట్స్ లో పోస్ట్ చేసారు. సెట్ లో వెనుక నుంచి చిరు, సల్మాన్ డాన్స్ వేయడానికి వెళ్తున్నట్లు ఫోటోను చూస్తుంటే తెలుస్తోంది. ఈ సాంగ్ సినిమాకు హైలైట్ గా నిలవనున్నదని టాక్ వినిపిస్తోంది. ప్రభుదేవా కొరియోగ్రఫీ చేస్తున్న ఈ సాంగ్ పై ప్రేక్షకులు భారీ అంచనాలను పెట్టుకున్నారు. ఇక ఈ సినిమా మలయాళ సూపర్ హిట్ ‘లూసిఫర్’ కు రీమేక్ గా తెరకెక్కుతోంది. ఈ చిత్రంలో నయనతార కీలక పాత్రలో నటిస్తోంది. మరి ఈ సినిమా ఎలాంటి విజయాన్ని అందుకోనున్నదో చూడాలి.
Shaking a leg with The Bhai @BeingSalmanKhan for #GodFather @PDdancing is at his Choreographing Best!! A sure shot Eye Feast!!@jayam_mohanraja @AlwaysRamcharan@MusicThaman @SuperGoodFilms_@KonidelaPro #Nayanthara @ProducerNVP @saregamasouth pic.twitter.com/mRjXRNhaJB
— Chiranjeevi Konidela (@KChiruTweets) July 29, 2022
