jai bhim:జాతీయ పుర‌స్కారాల్లో `జై భీమ్‌`కు అన్యాయం జ‌రిగిందా?

jai bhim:విభిన్న‌మైన సినిమాలు, విల‌క్ష‌ణ‌మైన క‌థ‌ల‌తో ప్రేక్ష‌కుల్ని విశేషంగా ఆక‌ట్టుకుంటూ హీరోగా త‌న‌దైన ప్ర‌త్యేక‌త‌ను చాటుకుంటున్న హీరో సూర్య‌. ఆయ‌న క‌థానాయ‌కుడిగా న‌టించిన లీగ‌ల్ డ్రామా `జై భీమ్‌`. సామాజిక చైత‌న్యం ప్ర‌ధాన ఇతివృత్తంగా రూపొందిన ఈ సినిమా విమ‌ర్శ‌కుల ప్ర‌శంస‌ల్ని సొంతం చేసుకుంది.

jai bhim:విభిన్న‌మైన సినిమాలు, విల‌క్ష‌ణ‌మైన క‌థ‌ల‌తో ప్రేక్ష‌కుల్ని విశేషంగా ఆక‌ట్టుకుంటూ హీరోగా త‌న‌దైన ప్ర‌త్యేక‌త‌ను చాటుకుంటున్న హీరో సూర్య‌. ఆయ‌న క‌థానాయ‌కుడిగా న‌టించిన లీగ‌ల్ డ్రామా `జై భీమ్‌`. సామాజిక చైత‌న్యం ప్ర‌ధాన ఇతివృత్తంగా రూపొందిన ఈ సినిమా విమ‌ర్శ‌కుల ప్ర‌శంస‌ల్ని సొంతం చేసుకుంది. టి.జె. జ్ఞాన‌వేల్ ద‌ర్శ‌క‌త్వంలో తొలిసారి సూర్య ప‌క్కా నేటివిటీతో సాగే పాత్ర‌లో క‌నిపించిన అబ్బుర ప‌రిచారు.

గిరిజ‌నుల హ‌క్కుల కోసం పోరాడిన అడ్వ‌కేట్ చంద్రూ క‌థ ఆధారంగా రూపొందిన ఈ సినిమా ఓటీటీలో విడుద‌లై అనూహ్య విజ‌యాన్ని సొంతం చేసుకుంది. విమ‌ర్శ‌కుల‌ని సైతం మెప్పించి శ‌భాష్ అనిపించింది. పోలీసుల అల‌స‌త్వం కార‌ణంగా లాక‌ప్ డెత్ కు గురైన ఓ గిరిజ‌నుడికి న్యాయం జ‌ర‌గాల‌ని అత‌ని భార్య చిన‌త‌ల్ని చేసే న్యాయ పోరాటానికి మ‌ద్ద‌తుగా నిలిచి ఆమెని గెలిపించే అడ్వ‌కేట్ చంద్రూ పాత్ర‌లో హీరో సూర్య న‌టించి త‌న‌దైన అద్భుతాభిన‌యంతో ఆక‌ట్టుకున్నారు. జాతీయ పుర‌స్కారానికి అన్ని అర్హ‌త‌లున్న ఈ సినిమాకు 69వ నేష‌న‌ల్ అవార్డుల్లో మొండి చేయి చూపించారు.

ఒక్క విభాగంలోనూ ఈ సినిమాకు అవార్డు ల‌భించ‌క‌పోవ‌డంతో అభిమానులు, నెటిజ‌న్‌లు అవార్డు క‌మిటీపై విమ‌ర్శ‌ల వ‌ర్షం కురిపిస్తున్నారు. కుల వివ‌క్ష కార‌ణంగానే ఈ సినిమాకు అన్యాయం చేశార‌ని మండిప‌డుతున్నారు. సామాజిక న్యాయం నేప‌థ్యంలో రూపొందిన ఈ చిత్రాన్ని ద‌ర్శ‌కుడు టి.జె.జ్ఞాన‌వేల్ అత్యంత నేచుర‌ల్‌గా రూపొందించారు. దేశ వ్యాప్తంగా రికార్డులు సృష్టించి సంచ‌ల‌నంగా మారిన ఈ సినిమాలోని ప్ర‌తీ ఒక్క‌రు అత్యంత స‌హ‌జ‌మైన న‌ట‌న‌ని ప్ర‌ద‌ర్శించారు. అయితే ఏ ఒక్క విభాగంలోనూ ఈ సినిమాకు అవార్డులు ద‌క్క‌క‌పోవ‌డంతో అభిమానులు, నెటిజ‌న్‌లు ఘాటుగా స్పందిస్తున్నారు.

ఇదే త‌ర‌హాలో ధ‌నుష్ న‌టించిన `క‌ర్ణ‌న్` సినిమాని కూడా ఏ ఒక్క అవార్డు వ‌రించ‌క‌పోవ‌డం విమ‌ర్శ‌ల‌కు తావిస్తోంది. ధ‌నుష్ క‌థానాయ‌కుడిగా మారి సెల్వ‌రాజ్ రూపొందించిన సినిమా `క‌ర్ణ‌న్‌`. అన‌గారిన వ‌ర్గాల‌కు అండ‌గా నిలిచే ఓ యువ‌కుడిగా క‌థ‌గా ఈ సినిమాని రూపొందించారు. ధ‌నుష్ పాత్ర‌కు అవార్డు ల‌భిస్తుంద‌ని అంతా భావించారు. కానీ నేష‌న‌ల్ అవార్డుల్లో `క‌ర్ణ‌న్‌` ఊసే ఎత్త‌క‌పోవ‌డంతో స‌ర్వ‌త్రా విమ‌ర్శ‌లు వెల్లువెత్తుతున్నాయి. ప్ర‌ధానంగా త‌మిళ ప్రేక్ష‌కులు `జై భీమ్‌`, కర్ణ‌న్‌` సినిమాల‌ని కుల వివ‌క్ష కార‌ణంగానే ప‌క్క‌న పెట్టార‌ని మండిప‌డుతున్నారు.