Hansika:హ‌న్సిక‌ని వేధించిన స్టార్?..ఈ వార్త‌ల‌పై రియాక్షన్ ఏంటి?

Hansika:అల్లు అర్జున్ (Allu Arjun)న‌టించిన `దేశ‌ముదురు` (Desamuduru)సినిమాతో టాలీవుడ్‌కు ప‌రిచ‌య‌మైంది ముంబై సోయ‌గం హ‌న్సిక ముత్వాని (Hansika Motwani).

Hansika:అల్లు అర్జున్ (Allu Arjun)న‌టించిన `దేశ‌ముదురు` (Desamuduru)సినిమాతో టాలీవుడ్‌కు ప‌రిచ‌య‌మైంది ముంబై సోయ‌గం హ‌న్సిక ముత్వాని (Hansika Motwani). తొలి చిత్రంతో భారీ విజ‌యాన్ని సొంతం చేసుకుని ఇండ‌స్ట్రీ వ‌ర్గాల దృష్టిని ఆక‌ర్షించింది. ఆ త‌రువాత వ‌రుస‌గా క్రేజీ స్టార్ల‌తో క‌లిసి న‌టించే అవ‌కాశాల్ని ద‌క్కించుకుంటూ క్రేజీ హీరోయిన్ అనిపించుకుంది. అయితే ఇక్క‌డ ఎదుగుతున్న స‌మ‌యంలోనే కోలీవుడ్‌కు వెళ్లిపోవ‌డంతో హ‌న్సిక‌కు తెలుగులో అవ‌కాశాలు త‌గ్గాయి.

అక్క‌డి ప్రేక్ష‌కుల్ని అల‌రించ‌డంతో త‌మిళ తంబీలు హ‌న్సిక‌కు గుడి క‌ట్టించారు. త‌మిళ ఇండ‌స్ట్రీలో ఆమెకు బ్ర‌హ్మ‌ర‌థం ప‌ట్టారు. అదే స‌మ‌యంలో స్టార్ హీరో శింబుతో ప్రేమాయ‌ణంతో త‌మిళ‌నాట హిన్సిక హాట్ టాపిక్‌గా మారింది. కొన్ని రోజుల ప్రేమాయ‌ణం త‌రువాత శింబుతో బ్రేక‌ప్ చెప్పేసింది. పూర్తిగా సినిమాల‌పై దృష్టి పెట్టింది. అప్పుడ‌ప్పుడు తెలుగులో సినిమాలు చేస్తూ పూర్తి స్థాయిలో త‌మిళ తెర‌కే ప‌రిమిత‌మైపోయింది.

ఈ నేఫ‌థ్యంలో రీసెంట్‌గా ముంబైకి చెందిన వ్యాపార వేత్త, ప్రియుడు సోహైల్ కుతారియాను వివాహం చేసుకుంది. పెళ్లి త‌రువాత కూడా సినిమాలు చేస్తూ బిజీ బిజీగా గ‌డిపేస్తోంది. తెలుగులోనూ మ‌ళ్లీ బిజీ కావాల‌ని ప్ర‌య‌త్నాలు మొద‌లు పెట్టింది. ఈ నేప‌థ్యంలోనే హ‌న్సిక తెలుగు స్టార్ హీరోపై అనుచిత వ్యాఖ్య‌లు చేసింద‌ని, ఓ ఇంట‌ర్వ్యూలో మాట్లాడుతూ తెలుగు స్టార్ హీరో త‌న‌ని వేధించాడ‌ని, డేటింగ్ చేయాలంటూ బ‌ల‌వంతం చేశాడ‌ని ప్ర‌చారం మొద‌లైంది.

స‌ద‌రు హీరో త‌న‌తో డేటింగ్ చేయ‌మ‌ని వేధించాడ‌ని, అయితే అత‌నికి త‌గిన బుద్ధి చెప్పాన‌ని హ‌న్సిక స‌ద‌రు ఇంట‌ర్వ్యూలో తెలిపిన‌ట్టు రెండు రోజులుగా ప్ర‌చారం జ‌రుగుతోంది. తాజాగా ఈ వార్త‌ల‌పై సోష‌ల్ మీడియా వేదిక‌గా హ‌న్సిక స్పందించింది. ప‌బ్లికేష‌న్‌ల‌కు నా విజ్ఞ‌ప్తి` అంటూ త‌న‌పై వ‌స్తున్న రూమ‌ర్‌పై స్ప‌ష్ట‌త‌నిచ్చింది. `వైర‌ల్ అవుతున్న వార్త‌ని ప్ర‌చురించే ముందు క్రాస్ చెక్ చేసుకోమ‌ని ప‌బ్లికేష‌న్‌ల‌కు విజ్ఞ‌ప్తి చేస్తున్నాను.

ప్ర‌స్తుతం వైర‌ల్ అవుతున్న కామెంట్ ఏదైతే ఉందో అది నేను చేయ‌లేదు. గుడ్డిగా ప్ర‌చురించే ముందు ఒక‌సారి నిజ నిర్థార‌ణ చేసుకోండి` అని పోస్ట్ చేసింది. హ‌న్సిక షేర్ చేసిన ట్వీట్ ప్ర‌స్తుతం నెట్టింట వైర‌ల్‌గా మారింది. తెలుగులో ప్ర‌ధానంగా అల్లు అర్జున్ (దేశ ముదురు), ఎన్టీఆర్‌తో `కంత్రి`, రామ్‌తో `మ‌స్కా` కందిరీగ‌, ప్ర‌భాస్‌తో `బిల్లా` (గెస్ట్ క్యారెక్ట‌ర్‌), క‌ల్యాణ్ రామ్‌తో `జ‌యీభ‌వ‌), నితిన్‌తో `సీతారాముల క‌ల్యాణం లంక‌లో`, ర‌వితేజతో `ప‌వ‌ర్‌`, మంచు విష్ణుతో `ల‌క్కున్నోడు`, బాల‌కృష్ణ‌తో `ఎన్టీఆర్ క‌థ‌నాయ‌కుడు` (స్పెష‌ల్ రోల్‌) వంటి సినిమాల్లో న‌టించింది.

Publications urging you to cross check before picking up random news piece ! Never made this comment that's doing the rounds pls fact check before publishing blindly .

— Hansika (@ihansika) May 23, 2023