Samantha: నాగ చైతన్య టార్చర్ భరించలేక సామ్ అబార్షన్ చేయించుకుందా..?

Umair Sandhu Sensational Tweet About Samantha: అక్కినేని నాగ చైతన్య- సమంత విడిపోయి రెండేళ్లు కావొస్తోంది. అయినా వారి గురించిన వార్త ఏదైనా ఇప్పటికీ ఇండస్ట్రీని షేక్ చేస్తోంది. ప్రస్తుతం ఎవరి కెరీర్ లో వారు బిజీగా ఉన్నారు. వీరిద్దరి మధ్య ఎలాంటి గొడవలు జరిగాయి.. ఎందుకు విడిపోయారు అనేది మాత్రం ఎవరికి తెలియదు. అయితే.. సామ్ తప్పు చేసిందని కొందరు.. చై తప్పు చేశాడని కొందరు చెప్పుకొస్తున్నారు. ఇకపోతే ప్రస్తుతం బాలీవుడ్ సినీ విమర్శకుడు ఉమైర్ సంధు చేసిన ట్వీట్స్ నెట్టింట హాట్ టాపిక్ గా మారాయి. ఫిల్మ్ క్రిటిక్, సెన్సార్ సభ్యుడైన ఉమైర్ సంధు తరచూ ఇలాంటి ట్వీట్లనే పోస్ట్ చేస్తూ నెటిజన్ల ఆగ్రహానికి గురవుతూ ఉంటాడు.

సమంతను నాగ చైతన్య టార్చర్ చేశాడని, అందుకే ఆమె విడాకులు తీసుకుందని చెప్పుకొచ్చాడు. అదికూడా సమంతనే ఈ విషయాలను స్వయంగా చెప్పిందని చెప్పడం గమనార్హం. ” నాగచైతన్య మంచి భర్త కాదు. నన్ను ఎంతో వేధించాడు. శారీరకంగా, మానసికంగా నేను చాలా ఇబ్బంది పడ్డాను అంతేకాదు, నేను ప్రెగ్నెంట్ అయినా అతడి వల్ల అబార్షన్ చేయించుకోవాల్సి వచ్చింది. అతని వేధింపులు తట్టుకోలేకనే విడిపోయాను. ఇప్పుడు ఇలా కెరీర్ లో ముందుకెళ్తున్నా అంటూ చెప్పుకొచ్చింది” అని ట్వీట్ లో రాసుకొచ్చాడు. దీంతో అభిమానులు అతడిని ఏకిపారేస్తున్నారు. ఇష్టం వచ్చినట్లు మాట్లాడితే.. ఇంటికొచ్చి కొడతామని సామ్ అభిమానులు ఆగ్రహం వ్యక్తం చేస్తున్నారు.