Rajamouli Made in India:రాజ‌మౌళి స‌మ‌ర్ప‌ణ‌లో `మేడ్ ఇన్ ఇండియా`

Rajamouli Made in India:`బాహుబ‌లి` సిరీస్ సినిమాల‌తో టాలీవుడ్ ఇమేజ్‌ని ప్ర‌పంచ స్థాయికి తీసుకెళ్లిన ద‌ర్శ‌కుడు రాజ‌మౌళి. ఇటీవ‌ల `ఆర్ ఆర్ ఆర్‌` అసాధ్యం అనుకున్న ఆస్కార్‌ని కూడా సుసాధ్యం చేసి చూపించారు. చ‌రిత్ర సృష్టించారు. అలాంటి ద‌ర్శ‌క‌ధీరుడు తాజాగా చేసిన ట్వీట్ అంద‌రిలో ఆస‌క్తిని రేకెత్తిస్తోంది.

Rajamouli Made in India:`బాహుబ‌లి` సిరీస్ సినిమాల‌తో టాలీవుడ్ ఇమేజ్‌ని ప్ర‌పంచ స్థాయికి తీసుకెళ్లిన ద‌ర్శ‌కుడు రాజ‌మౌళి. ఇటీవ‌ల `ఆర్ ఆర్ ఆర్‌` అసాధ్యం అనుకున్న ఆస్కార్‌ని కూడా సుసాధ్యం చేసి చూపించారు. చ‌రిత్ర సృష్టించారు. అలాంటి ద‌ర్శ‌క‌ధీరుడు తాజాగా చేసిన ట్వీట్ అంద‌రిలో ఆస‌క్తిని రేకెత్తిస్తోంది. ఆయ‌న తాజాగా `మేడ్ ఇన్ ఇండియా` ప్రాజెక్ట్‌ని ప్ర‌క‌టిస్తూ ఓ వీడియోని విడుద‌ల చేశారు. భార‌తీయ సినిమా రంగంపై వ‌స్తున్న బ‌యోపిక్ గా ఈ సినిమాని రూపొందిస్తున్నారు.

అత్యంత ప్ర‌తిష్టాత్మ‌కంగా తెర‌కెక్కుతున్న ఈ ప్రాజెక్ట్‌కు ద‌ర్శ‌క‌ధీరుడు రాజ‌మౌళి స‌మ‌ర్ప‌కులుగా వ్య‌వ‌హ‌రిస్తున్నారు. గ‌త రెండు రోజులుగా రాజ‌మౌళి నుంచి భారీ ప్రాజెక్ట్‌కు సంబంధించిన ప్ర‌క‌ట‌న రాబోతోంద‌నే ప్ర‌చారం జ‌రిగింది. అంతా ఊహించిన‌దానికి భిన్నంగా రాజ‌మౌళి నుంచి ప్ర‌క‌ట‌న వ‌చ్చేసింది. ఆయ‌న స‌మ‌ర్ప‌కుడిగా భారీ సినిమాకు శ్రీ‌కారం చుడుతున్న‌ట్టుగా వెల్ల‌డించారు. అస‌లు ఇండియ‌న్ సినిమా ఎక్క‌డ పుట్టింది? దానికి మూలం ఏంటీ? అనే క‌థ‌తో `మేడ్ ఇన్ ఇండియా` సినిమా తెర‌కెక్క‌నుంది.

ఒక్క మాట‌లో చెప్పాలంటే ఇది భార‌తీయ సినిమాపై వ‌స్తున్న బ‌యోపిక్ అన్న‌మాట‌. నితిన్ క‌క్క‌ర్ ద‌ర్శ‌క‌త్వం వ‌హిస్తున్న ఈ సినిమాను రాజ‌మౌళి త‌న‌యుడు ఎస్‌.ఎస్‌. కార్తీకేయ‌, వ‌రుణ్ గుప్తా క‌లిసి నిర్మిస్తున్నారు. రాజ‌మౌళి స‌మ‌ర్ప‌కులుగా వ్య‌వ‌హ‌రిస్తున్నారు. ఈ విష‌యాన్ని తెలియ‌జేస్తూ ద‌ర్శ‌కుడు రాజ‌మౌళి సోష‌ల్ మీడియా ఎక్స్ వేదిక‌గా ఆస‌క్తిక‌ర‌మైన పోస్ట్‌తో పాటు ఓ వీడియోని పంచుకున్నారు. `ఈ క‌థ విన్న‌వెంట‌నే నేను భావోద్వేగానికి గుర‌య్యాను. బ‌యోపిక్‌ల‌ను రూపొందించ‌డం చాలా క‌ష్టం.

అలాంటిది భాయ‌తీయ సినిమాపై బ‌యోపిక్‌ని చిత్రీక‌రించాలంటే అది మ‌రింత స‌వాళ్ల‌తో కూడుకున్న‌ది. ఈ చిత్ర యూనిట్ ఆ స‌వాళ్ల‌కు సిద్ధంగా ఉంది. ఇలాంటి సినిమాను స‌మ‌ర్పిస్తున్నందుకు చాలా గ‌ర్వంగా ఉంది` అన్నారు. పాన్ ఇండియా స్థాయిలో ఈ ప్రాజెక్ట్‌ని తెర‌పైకి తీసుకొస్తున్నారు. హిందీతో పాటు తెలుగు, త‌మిళ‌, మ‌ల‌యాళ‌,క‌న్న‌డ త‌దిత‌ర ఆరు భాష‌ల్లో ఈ సినిమా విడుద‌ల కానుంది.

When I first heard the narration, it moved me emotionally like nothing else.

Making a biopic is tough in itself, but conceiving one about the FATHER OF INDIAN CINEMA is even more challenging. Our boys are ready and up for it..:)

With immense pride,
Presenting MADE IN INDIA… pic.twitter.com/nsd0F7nHAJ

— rajamouli ss (@ssrajamouli) September 19, 2023