Randeep Hooda: నటుడికి తీవ్ర గాయాలు.. ఆస్పత్రికి తరలింపు?

Randeep Hooda injured: బాలీవుడ్ స్టార్ రణదీప్ హుడా అభిమానులకు ఓ చేదు వార్త. మీడియా నివేదికల ప్రకారం, నటుడు రణదీప్ హుడా ముంబైలోని కోకిలాబెన్ ధీరూభాయ్ అంబానీ ఆస్పత్రిలో చేరారు. నిజానికి రణదీప్ హుడా గుర్రపు స్వారీ చేస్తున్నప్పుడు స్పృహతప్పి పడిపోయాడని అలా జరగడం కారణంగా అతను తీవ్రంగా గాయపడ్డాడని అంటున్నారు. ఈ సంఘటన కొద్ది రోజుల క్రితం జరిగిందని అది జరిగిన వెంటనే రణదీప్‌ను ముంబైలోని ఆసుపత్రికి తరలించారని అంటున్నారు.

ప్రస్తుతం రణదీప్ హుడా పూర్తిగా విశ్రాంతి తీసుకోవాలని సూచించారు. గత ఏడాది ప్రారంభంలో కూడా రణదీప్ హుడా గాయపడ్డాడని అందరికీ తెలిసిందే.  అప్పుడు రణదీప్ హుడా తన ‘రాధే’ సినిమా కోసం సూపర్ స్టార్ సల్మాన్ ఖాన్‌తో యాక్షన్ సన్నివేశాన్ని చిత్రీకరిస్తున్నాడు, ఈ సన్నివేశాన్ని చిత్రీకరిస్తుండగా రణదీప్ హుడా గాయపడ్డాడు. అప్పట్లో చాలా తీవ్ర గాయం కావడంతో ఆయనకు కుడి కాలుకు మోకాలికి శస్త్రచికిత్స కూడా చేయవలసి వచ్చింది. ఇప్పుడు మరోసారి రణదీప్ గాయపడ్డాడు.