నాని ‘జెర్సీ’ని హిందీలో డబ్ చేస్తే సరిపోయేది.. డబ్బులు మిగిలేవి- వర్మ
వివాదాస్పద దర్శకుడు వర్మ గత కొన్నిరోజుల నుంచి బాలీవుడ్ ను ఏకిపారేస్తున్న విషయం విదితమే. ఒకప్పుడు టాలీవుడ్ ను తక్కువ చూపు చూసిన బాలీవుడ్ ఇప్పుడు టాలీవుడ్ సినిమాలు గురించి గొప్పగా చెప్తోంది. ఇక ఈ నేపథ్యంలోనే బాలీవుడ్ రేంజ్ ఏంటో వర్మ అప్పుడప్పుడు ట్వీట్స్ ద్వారా గుర్తుచేస్తున్నాడు. తాజాగా వర్మ .. షాహిద్ కపూర్ ‘జెర్సీ’ చిత్రంపై షాకింగ్ కామెంట్స్ చేశాడు. ‘జెర్సీ’ సినిమా తెలుగులో నాని చేసిన విషయం తెల్సిందే. స్పోర్ట్స్ డ్రామాగా విడుదలైన ఈ సినిమా విమర్శకుల ప్రశంసలను సైతం అందుకుంది.
ఇక ఇదే విషయాన్ని వర్మ గుర్తుచేస్తూ ” నాని జెర్సీ చిత్రాన్ని డబ్ చేసి హిందీలో విడుదల చేసి ఉంటే 10 లక్షల రూపాయలు ఖర్చు అయ్యి ఉండేది , అదే సినిమాను ఇప్పుడు 100 కోట్ల రూపాయల తో రీమేక్ చేయడం ద్వారా ఫలితం గా డబ్బు, సమయం, శ్రమ వృధా” అని తెలుపుతూ ‘డెత్ ఆఫ్ రీమేక్స్’ అని హ్యాష్ ట్యాగ్ ఇచ్చాడు. ప్రస్తుతం ఈ ట్వీట్ నెట్టింట వైరల్ గా మారింది. ఏదిఏమైనా కొన్నిసార్లు వర్మ చెప్పినదాంట్లో కూడా నిజం లేకపోలేదు అని నెటిజన్స్ కామెంట్స్ పెడుతున్నారు.
If Nani ‘s original JERSEY from Telugu was dubbed and released it would have costed the producers just 10 lakhs whereas the remake in Hindi costed 100 cr resulting in losing enoromous money ,time, effort and face #DeathOfRemakes
— Ram Gopal Varma (@RGVzoomin) April 26, 2022
