Rajamouli: నెటిజన్ డౌట్ ను క్లారిటి చేసిన జక్కన్న

Rajamouli: బాహుబలి, ఆర్ఆర్ఆర్ సినిమాలతో అంతర్జాతీయంగా ఖ్యాతి గడించిన ఎస్.ఎస్. రాజమౌళి పేరు ప్రపంచవ్యాప్తంగా మార్మోగుతుంది. పలు విజయవంతమైన సినిమాలు తీసిన రాజమౌళి ఎంతోమందికి సుపరిచితమే. మరోకొద్దీ గంటల్లో ఈ దర్శక దీరుడు ప్రపంచ వ్యాప్తంగా ప్రతిష్టాత్మకంగా భావించే అవార్డు ఆస్కార్ ను అందుకోబోతున్నాడు. ఈ సమయంలో రాజమౌళికి మరో ప్రత్యేక గుర్తింపు దక్కింది.

కర్ణాటకలోని రాయచూరు జిల్లా ఎన్నికల ప్రచారకర్తగా నియమితులయ్యారు. రాయచూర్ కలెక్టర్ చంద్రశేఖర్‌ నాయక్‌ ఈ విషయాన్ని వెల్లడించారు. కర్ణాటకలో మేలో అసెంబ్లీ ఎన్నికలు జరిగే అవకాశం ఉంది. ఈ నేపథ్యంలో దర్శకుడు రాజమౌళి ఈ బాధ్యతలు తీసుకోవడం కీలకంగా మారింది. రాయ​చూర్​ జిల్లాకు రాజమౌళిని ఎన్నికల ప్రచారకర్తగా నియమించింది. జిల్లాలోని ఓటర్లలందరూ ఎన్నికల్లో ఓటు హక్కును వినియోగించుకునే విధంగా రాజమౌళి అవగాహన కల్పిస్తారని ఈసీ వెల్లడించింది.

రాయ​చూర్​ జిల్లాకు రాజమౌళిని ఎన్నికల ప్రచారకర్తగా నియమించడంతో కొందరికి ఎక్కడలేని అనుమానాలు కలుగుతున్నాయి. అందులో కొందరు చర్చించుకుంటుంటే. మరికొందరు గూగుల్ లొ సర్చ్ చేయడం మొదలుపెట్టారు. మరికొందరు రాజమౌళికి ట్విట్స్ చేస్తున్నారు. ఇందులో ఓ నెటిజన్ రాజమౌళిని ఓ ప్రశ్న వేసాడు. మా ఫ్రెండ్స్ అందరికి డౌట్ ఉంది నిజంగా మీ బర్త్ ప్లేస్ ఎక్కడ అని అడిగారు. దీనికి రాజమౌలి సమాధానమిస్తూ. నేను కర్ణాటక రాష్టంలో రాయచూరు జిల్లా అమరేశ్వరి క్యాంప్ లో జన్మించానని రిప్లై ఇచ్చారు. ఆ తర్వాత రాజమౌళి కుటుంబం తెలుగు రాష్ట్రాల్లో స్థిరపడింది.