Ustaad Bhagat Singh: ‘ఉస్తాద్‌ భగత్‌ సింగ్‌’ గా పవన్ కళ్యాణ్

Ustaad Bhagat Singh: పవ‌ర్ స్టార్ ప‌వ‌న్ క‌ళ్యాణ్ అటు రాజకీయాల్లోనూ ,ఇటు సినిమాల్లోనూ స్పీడు మీదున్నారు. ఇంత బిజీ షడ్యూల్లో కూడా మ‌రో కొత్త సినిమాను అనౌన్స్ చేశారు. రీసెంట్ గా సుజీత్ ద‌ర్శ‌క‌త్వంలో ఓ సినిమాను అనౌన్స్ చేసిన సంగ‌తి తెలిసిందే. హ‌రీష్ శంక‌ర్-పవన్ సినిమా గురించి గత వారంరోజులుగా సోషల్ మీడియాలో చర్చనడుస్తుంది. ఈ నేప‌థ్యంలో హ‌రీష్ శంక‌ర్ ద‌ర్శ‌క‌త్వంలో ప‌వ‌న్ చేస్తున్న సినిమాకు సంబంధించి అధికారిక ప్ర‌క‌ట‌న వెలువ‌డింది. ‘ఉస్తాద్ భగత్‌సింగ్‌’గా ప‌వ‌న్ క‌ళ్యాణ్ – హ‌రీష్ శంక‌ర్ మూవీ తెర‌కెక్క‌నుంది. ప్ర‌ముఖ నిర్మాణ సంస్థ మైత్రీ మూవీ మేక‌ర్స్ సంస్థ ఈ సినిమాను నిర్మించ‌నుంది. నేడు దీనికి సంబంధించిన టైటిల్ లుక్ పోస్ట‌ర్‌ను విడుద‌ల చేశారు.

గతంలో హరీష్‌ శంకర్‌తో ‘భవదీయుడు భగత్‌ సింగ్‌’ అనే సినిమాని ప్రకటించిన విషయం తెలిసిందే. ఆ కథలో మార్పులు చేసి టైటిల్‌ కూడా మార్చినట్టు తెలుస్తుంది. తాజాగా ‘ఉస్తాద్‌ భగత్‌ సింగ్‌’ అంటూ ఈ కొత్త సినిమాని నేడు ఉదయం ప్రకటించారు. ‘మనల్ని ఎవడ్రా ఆపేది’ అనే ట్యాగ్‌ లైన్ అభిమానుల్లో ఆసక్తిని రేకిస్తుంది. టైటిల్ లుక్ పోస్ట‌ర్‌ను గ‌మ‌నిస్తే పవన్‌ని ఓ చేతితో హార్లీ డేవిడ్సన్‌ బైక్‌ని పట్టుకుని, మరో చేతితో టీ గ్లాస్‌ పట్టుకుని ఉన్నారు. ఈ లుక్ ఆసక్తిని క్రియేట్‌ చేస్తుంది. ఈ సినిమాకి దేవిశ్రీ ప్రసాద్ సంగీతాన్ని అందిస్తున్నారు.

❤️‍🔥❤️‍🔥❤️‍🔥@PawanKalyan in and as #UstaadBhagatSingh 🔥

This time, it's beyond entertainment 😎🔥

Shoot begins soon 💥❤️‍🔥@harish2you @ThisIsDSP @DoP_Bose @MythriOfficial pic.twitter.com/F7EFDOW3F8

— Mythri Movie Makers (@MythriOfficial) December 11, 2022