Published Date - 12:05 PM, Fri - 8 April 22

అల్లు అర్జున్ కి స్పెషల్ విషెస్ తెలిపిన మెగాస్టార్

By PCB

ఐకాన్ స్టార్ అల్లు అర్జున్ నేడు తన 40 వ పుట్టినరోజు జరుపుకుంటున్న సంగతి తెల్సిందే. ఇక నేడు బన్నీ పుట్టినరోజు కావడంతో సోషల్ మీడియాలో బన్నీకి పుట్టినరోజు శుభాకాంక్షలు వెల్లువెత్తుతున్నాయి. అభిమానులతో పాటు ప్రముఖులు కూడా బన్నీకి బర్త్ విషెస్ తెలుపుతున్నారు. ఇక అల్లువారి అబ్బాయికి మేనమామ మెగాస్టార్ చిరంజీవి స్పెషల్ బర్త్ డే విషెస్ తెలిపారు.

‘పుట్టిన రోజు శుభాకాంక్షలు బన్నీ. వర్క్‌ పట్ల నువ్వు చూపించే పట్టుదల, అంకితభావం.. కష్టపడేతత్త్వమే నిన్ను స్టార్‌ హీరోగా నిలబెట్టాయి. ఈ పుట్టిన రోజును ల్యాండ్‌మార్క్‌ బర్త్‌డేగా మార్చుకో’ అంటూ చిరు క్రేజీగా విషెస్‌ తెలిపారు. ప్రస్తుతం ఈ ట్వీట్ నెట్టింట వైరల్ గా మారింది. ఇక అల్లు అర్జున్ గురించి ప్రత్యేకంగా చెప్పుకోవాల్సిన అవసరం లేదు. నిర్మాత అల్లు అరవింద్‌ వారసుడిగా గంగోత్రి సినిమాతో బన్నీ హీరోగా పరిచయమై అంచలంచెలుగా ఎదిగి ఐకాన్ స్టార్ గా మారాడు. ప్రస్తుతం బన్నీ పాన్ ఇండియా మూవీ పుష్ప 2 లో నటిస్తున్నాడు.