Gopichand: మే 5న గోపీచంద్ ‘రామబాణం’
Gopichand: క్రేజీ కాంబినేషన్లలో మాచో స్టార్ గోపీచంద్, డైరెక్టర్ శ్రీవాస్‌ కాంబినేషన్ ఒకటి. వారి కలయికలో గతంలో లక్ష్యం, లౌక్యం వంటి సూపర్ హిట్లు వచ్చాయి. ఇప్పుడు ‘రామబాణం’ కోసం ముచ్చటగా మూడోసారి చేతులు కలిపిన ఈ జోడి హ్యాట్రిక్ పై కన్నేసింది. ఇక ఈ సినిమాతో గోపీచంద్ తన సక్సెస్ ట్రాక్‌ను కంటిన్యూ చేయడం ఖాయమని చిత్ర యూనిట్ ఆశ భావం వ్యక్తం చేస్తోంది.
టీజీ విశ్వప్రసాద్‌, వివేక్‌ కూచిభొట్ల సంయుక్తంగా భారీస్థాయిలో ఈ చిత్రాన్ని నిర్మిస్తున్నారు. హీరోయిన్‌గా డింపుల్‌ హయతి నటిస్తుండగా, జగపతి బాబు, కుష్బు ప్రధాన పాత్రలు పోషిస్తున్నారు. ఈ చిత్రం నుంచి మేకర్స్‌ కొత్త పోస్టర్‌ విడుదల చేశారు. ఇది పరీక్షల సమయం కావడంతో విద్యార్థులను ఆల్‌ ది బెస్ట్‌ చెబుతూ న్యూ పోస్టర్‌ ను వదిలారు. గోపీచంద్ పవర్‌ ఫుల్‌ లుక్‌ తో ఉన్న పోస్టర్‌ ఎంతగానో ఆకట్టుకుంటోంది. చిత్రాన్ని మే 5న విడుదల చేయబోతున్నట్లు పోస్టర్‌ లో పేర్కొన్నారు. అటు గోపిచంద్‌కు, ఇటు శ్రీవాస్‌కు ఇద్దరికి హిట్టు చాలా అవసరం. శ్రీవాస్‌ కూడా గతకొంత కాలంగా లైమ్‌లో లేడు. లౌక్యం తర్వాత ఆయన తెరకెక్కించిన డిక్టేటర్‌, సాక్ష్యం డిజాస్టర్‌లుగా మిగిలాయి.
