Akasavani Vishakapattana Kendram: పాన్ ఇండియా మూవీగా ‘ఆకాశ వాణి విశాఖపట్టణ కేంద్రం’
Pan india movie Akasavani Vishakapattana Kendram:శివ కుమార్, హుమయ్ చంద్, అక్షత శ్రీధర్, అర్చన హీరోహీరోయిన్లుగా మిథున ఎంట‌ర్‌టైన్‌మెట్స్ స‌మ‌ర్ప‌ణ‌లో సైన్స్‌ స్టూడియోస్ ప్రొడ‌క్ష‌న్స్‌ బ్యాన‌ర్‌పై రూపొందుతున్న చిత్రం ‘ఆకాశ‌వాణి విశాఖపట్టణ కేంద్రం’. సతీష్ బత్తుల ఈ చిత్రంతో దర్శకుడిగా ప‌రిచయం అవుతున్నాడు. థ్రిల్లింగ్ ల‌వ్ ఎంట‌ర్‌టైన‌ర్‌గా తెర‌కెక్కుతోన్నఈ చిత్రాన్ని పాన్ ఇండియా మూవీగా విడుద‌ల చేస్తున్నారు.
కార్తీక్ కొడ‌కండ్ల సంగీతం అందించిన ఈ సినిమా నుంచి తొలి పాట‌ను చిత్ర యూనిట్ విడుద‌ల చేసింది. ఈ సంద‌ర్భంగా…నిర్మాత ఎం.ఎం.అర్జున్ మాట్లాడుతూ ఓ మంచి సినిమాను రూపొందించ‌డంలో నిర్మాత‌గా నా వంతు బాధ్యత‌ను స‌మ‌ర్ధవంతంగా నిర్వర్తించాను. హీరోహీరోయిన్లు చ‌క్కగా న‌టించారు. యూనివర్సల్ పాయింట్ కావటంతో సినిమాను పాన్ ఇండియా మూవీగా తెలుగు, త‌మిళ, క‌న్న‌డ, మ‌ల‌యాళ, హిందీ భాష‌ల్లో విడుద‌ల చేస్తున్నాం. అని తెలిపాడు.
ఇక దర్శకుడు సతీష్ బత్తుల మాట్లాడుతూ ‘‘‘ఆకాశ‌వాణి విశాఖపట్టణ కేంద్రం’ చిత్రం డిఫ‌రెంట్ ల‌వ్ అండ్ థ్రిల్లింగ్‌అంశాలతో తెరకెక్కించాము . నిర్మాత మ‌ల్లికార్జున్‌గారి స‌పోర్ట్ లేక‌పోతే ఇంత దూరం రాగ‌లిగే వాళ్లం కాదు. కార్తీక్ మ్యూజిక్‌, ఆరీఫ్ సినిమాటోగ్రఫీ ఇలా మంచి టెక్నీషియ‌న్స్ కుదిరారు. సినిమా చాలా బాగా వ‌చ్చింది అని తెలిపాడు.
