YCP MLA Son Flex: బాలకృష్ణ పోస్టర్లో వైసీపీ ఎమ్మెల్యే కొడుకు!
YCP MLA Son Flex For Veera Simha Reddy Movie: ఆంధ్రప్రదేశ్‌లో అధికార వైఎస్సార్‌సీపీ, ప్రతిపక్ష తెలుగుదేశం పార్టీల మధ్య రాజకీయ పోటీ గురించి ప్రత్యేకంగా చెప్పనవసరం లేదు. రెండు పార్టీలు అనేక సందర్భాల్లో నువ్వా నేనా అన్నట్టు అన్ని విషయాల్లో పోరాడుతున్నాయి. అయితే ఆంధ్రప్రదేశ్ ప్రభుత్వం నందమూరి బాలకృష్ణ నటించిన వీర సింహారెడ్డి సినిమా ప్రీ రిలీజ్ ఈవెంట్ వేదికను మార్చమని ఇబ్బంది పెట్టిందని టీడీపీ నేతలు అంటున్నారు. నందమూరి బాలకృష్ణ పాత తెలుగుదేశం పార్టీలో ఉంటూ ఎమ్మెల్యేగా పని చేస్తున్నందున కావాలనే టార్గెట్ చేసేందుకు ఉద్దేశపూర్వకంగానే ఈ నిర్ణయం తీసుకున్నారని అకస్మాత్తుగా ప్రీ-రిలీజ్ ఈవెంట్‌కు అనుమతి నిరాకరించారని టీడీపీ నేతలు చెబుతున్నారు.
ఈ నేపథ్యంలో వైసీపీ ఎమ్మెల్యే తనయుడు వీర సింహారెడ్డి సినిమా కోసం ఏర్పాటు చేసిన ఫ్లెక్సీలు చర్చనీయాంశం అయ్యాయి. ఈ ఫ్లెక్సీ అందరి దృష్టిని ఆకర్షించడంతో ఇప్పుడు ఆ ఫ్లెక్సీ గురించే మాట్లాడుకుంటున్నారు. యెమ్మిగనూరు ఎమ్మెల్యే చెన్నకేశవ రెడ్డి తనయుడు ధరణిధర్ పేరుతో ఫ్లెక్సీ‌ను ఏర్పాటు చేశారు. సినిమా విడుదల నేపథ్యంలో ఈ ఫ్లెక్సీ‌ను ఏర్పాటు చేశారు. అంతేకాదు రానున్న రోజుల్లో ఎమ్మెల్యే కొడుకు రాబోయే నాయకుడని ఫ్లెక్సీ‌లో పెట్టారు. వచ్చే ఎన్నికల్లో ఆయన ఎమ్మెల్యేగా పోటీ చేస్తారనే టాక్ వినిపిస్తుండడంతో ఒక్కసారిగా ఫ్లెక్సీ హాట్ టాపిక్ అయింది. దీని పైన, ఫ్లెక్సీ‌లో వీరసింహారెడ్డి నుండి నందమూరి బాలకృష్ణ ఫోటోలు ఉన్నాయి.
సినిమాను ప్రమోట్ చేయడంతో పాటు రాబోయే రోజుల్లో భవిష్యత్ నాయకుడిగా ధరణీధర్ రెడ్డిని కూడా ప్రమోట్ చేస్తున్నట్టు కనిపిస్తోంది. యెమ్మిగనూరులోని రద్దీ ప్రదేశంలో బాటసారుల దృష్టిని ఆకర్షిస్తూ ఈ ఫ్లెక్సీ‌ని ఏర్పాటు చేశారు. మరి కొద్ది రోజుల్లో తెలుగు రాష్ట్రాల్లో ఈ సినిమా థియేటర్లలోకి వచ్చేందుకు సిద్ధంగా ఉన్న నేపథ్యంలో ఎమ్మెల్యే కొడుకు ఫ్లెక్సీ ఏర్పాటు చేసి ఉండొచ్చని అంటున్నారు. మరోవైపు ధరణీధర్ రెడ్డి అనుచరులు, మద్దతుదారులు ఫ్లెక్సీ ఏర్పాటు చేసి ఉండవచ్చని కూడా అంటున్నారు. సాధారణంగా నాయకుల అనుచరులు ఇలాంటి పనులు చేస్తూ వారికి మరింత దగ్గరవ్వాలని చూస్తూ ఉంటారు. మరి ఇది స్వయంగా ఎమ్మెల్యే కుమారుడు పెట్టించారో? లేక ఆయన అనుచరుల పనో తెలియాల్సి ఉంది.
