Vellampalli Srinivas: పవన్ కు అంబానీ అపాయింట్ మెంట్ దొరుకుతుందా?..వెల్లంపల్లి
Vellampalli Srinivas: వైసీపీ ప్రభుత్వం గతంలో ఎన్నడూ లేని విధంగా నిర్వహించిన గ్లోబల్ ఇన్వెస్టర్స్ సమ్మిట్ వైజాగ్ లో అంతర్జాతీయ పారిశ్రామిక దిగ్గజాలతో ఎంతో ఘనంగా జరిగిందని, భారీ పెట్టుబడులు ఆంధ్రప్రదేశ్ కు వచ్చాయని మాజీ మంత్రి, వైసీపీ ఎమ్మెల్యే వెల్లంపల్లి శ్రీనివాసరావు అన్నారు. పారిశ్రామికవేత్తలు తమ రాష్ట్రంలో రూ.13.41 లక్షల కోట్ల పెట్టుబడులు పెట్టేందుకు ముందుకొచ్చారని, రాష్ట్రంలో ప్రత్యక్షంగా 6 లక్షల ఉద్యోగాలు వస్తున్నాయని చెప్పారు..ఈ సందర్బంగా జనసేన అధినేత పవన్ కళ్యాణ్ ఫై కీలక వ్యాఖ్యలు చేసారు వెల్లంపల్లి.
విశాఖ సదస్సు విజయవంతం కావడం పట్ల జాతీయ మీడియా మొత్తం సీఎం జగన్ ను కొనియాడిందని, కానీ పచ్చమీడియా, దత్తపుతుడు మాత్రం ఓర్వలేకపోతున్నారని విమర్శించారు. పవన్ కల్యాణ్ కు అంబానీ కనీసం అపాయింట్ మెంట్ అయినా ఇస్తారా? అలాంటి వారిని జగన్ కోరిన వెంటనే విశాఖకు వచ్చి పెట్టుబడులు పెడుతున్నారని అన్నారు. కార్పోరేట్‌ దిగ్గజాలన్నింటినీ ఒకే వేదికపై తీసుకురావడమే లక్ష్యంగా ఏర్పాటు చేసిన విశాఖ ‘గ్లోబల్ ఇన్వెస్టర్స్ సమ్మిట్–2023’ భారీ సక్సెస్ కావడం తో ప్రతిపక్షాల వారికీ మింగుడుపడడంలేదని అన్నారు. 2024 ఎన్నికల తర్వాత చంద్రబాబు,లోకేశ్, పవన్ కల్యాణ్ ల సంగతి తేలుస్తామని పేర్కొన్నారు.
