Minister RK Roja: అప్పుడు లేవని నోరు ఇప్పుడెందుకు లేస్తుందో.. నాగబాబుపై ఘాటు వ్యాఖ్యలు!
Minister RK Roja Strong Counter to Nagababu: కొద్ది రోజుల క్రితం మెగా బ్రదర్స్ ను ఎద్దేవా చేస్తూ మంత్రి రోజా కొన్ని వ్యాఖ్యలు చేశారు. వారికి సేవాగుణం లేదంటూ ఆమె కామెంట్ చేయడంతో ఆమె మీద నాగబాబు ఘాటు వ్యాఖ్యలు చేశారు. అసలు ఆమెది నోరా కుప్పతొట్టా? అంటూ వీడియో రిలీజ్ చేయడంతో ట్విట్టర్ లో నాగబాబు పై మంత్రి రోజా కౌంటర్ వేశారు. విమర్శ చేసేటప్పుడు విషయం ఉంటే చెయ్యాలి లేదా, నోటికి ఎంత వస్తే అంత వాగడం కాదు, ఫేక్ వార్తలతో దుష్ప్రచారాలు చెయ్యటం మీకే చెల్లుతుందని ఆమె కామెంట్ చేశారు. ఏపీ గురించి మీకున్న జ్ఞానం శూన్యం అని అందరికీ తెలుసు, నా శాఖ అభివృద్ధి గురించి వ్యాఖ్యలు చేయడం నాగబాబూ నీ అవగాహనా రాహిత్యానికి నిదర్శనం అంటూ ఆమె పేర్కొన్నారు. అంతేకాక ఒక లీకేహ కూడా రాశారు. ఏదైనా విమర్శ చేసేటప్పుడు విషయం ఉంటే చేయాలి.. అంతే గానీ నోటికి ఎంత వస్తే అంత వాగడం, ఫేక్ వార్తలతో దుష్ప్రచారాలు చేయడం సబబు కాదు. ఏమీ తెలియకుండా నా శాఖ గురించి వ్యాఖ్యలు చేయడం వాళ్ల అవగాహనా రాహిత్యానికి నిదర్శనం అని రోజా అన్నారు. నేను పర్యాటక శాఖ మంత్రిగా ఛార్జ్ తీసుకున్నాక ఇండియాలో ఏపీ టూరిజం మూడో స్థానంలో ఉంది.
ఇదేమీ తెలియకుండా మాట్లాడడం విడ్డూరంగా ఉందని ఆమె అన్నారు. నేను ఏనాడు చిరంజీవి గారు కేంద్రమంత్రిగా పర్యాటకంగా ఏపీకి ఏం చేసారని రాజకీయంగా మాట్లాడలేదు, మాట్లాడను కూడా. ఆయన రాజకీయాలకు దూరంగా ఉన్నారు కాబట్టి అని ఆమె అన్నారు. గతంలో టీడీపీ-జనసేన మాట్లాడుకున్న మాటల్నే గుర్తు చేస్తే ఎందుకంత పౌరుషం వచ్చిందో ఇప్పటికీ అర్థం కాలేదుని, అసలు గతంలో వాళ్లేం మాట్లాడుకున్నారో చూపించి.. సదరు వ్యక్తి కి ఈ వీడియో చేరేలా ఉండాలని షేర్ చేస్తున్నా అని ఆమె అన్నారు. వ్యక్తిగతంగా నాకు ఎవరి మీద శత్రుత్వం లేదు.
పార్టీ పరంగా, సిద్ధాంతపరంగా నా వ్యాఖ్యల ఉంటాయి అని అర్థం చేసుకుంటారని ఆశిస్తున్నా.. నన్ను అంత మాట అన్నందుకు మిమ్మల్ని కూడా నేను ఓ మాట అనొచ్చు.. కానీ నా సంస్కారం అడ్డొచ్చింది అంతే అని రోజా అన్నారు. చివరగా ఒక్క మాట.. ఆనాడు మీ పార్టీ వాళ్లను స*క జాతి, అలగా జనం అని అంత హీనంగా మాట్లాడినప్పుడు లేవని నోరు ఇప్పుడెందుకు లేస్తుందో పై వాడికే తెలియాలి, ఓడిపోయిన మీరే అన్ని మాటలంటే.. రెండుసార్లు ఎమ్మెల్యేగా గెలిచి, మంత్రిగా బాధ్యతలు చేపట్టిన నేను ఎంత అనాలి? అని రోజా ప్రశ్నించారు. రాజకీయ విమర్శలు తప్ప, వ్యక్తిగత విమర్శలు చేయడం నాకు ఇష్టం లేక మిమ్మల్ని ఆ మాట అనలేక వదిలేస్తున్నా.. ముందు మహిళను ఎలా గౌరవించాలో తెలుస్కోండి అంటూ రోజా పేర్కొన్నారు.
