AP Welfare Calender: ఏపీలో మార్చి, ఏప్రిల్‌ నెలల్లో అమలు కానున్న సంక్షేమ పధకాలు!
AP Welfare Calender: ఏపీలో మార్చి, ఏప్రిల్‌ నెలల్లో ప్రభుత్వ కార్యక్రమాలు, పథకాల అమలు తేదీల ఖరారు చేసింది ప్రభుత్వం. ఈమేరకు సీఎంఓ అధికారులతో ముఖ్యమంత్రి సమావేశం అయ్యారు. అసెంబ్లీ సమావేశాలు, మార్చి, ఏప్రిల్‌ నెలలో చేపట్టాల్సిన కార్యక్రమాలు, అమలు చేయాల్సిన పథకాల తేదీలు ఖరారు చేశారు. ఎమ్మెల్సీ ఎన్నికల కోడ్‌ కారణంగా పలు కార్యక్రమాలు నిలిచిపోగా ఎన్నికల కోడ్‌ ముగియనుండడంతో ఈ కార్యక్రమాలు, పథకాల అమలుకు ప్రభుత్వం సన్నాహాలు మొదలు పెట్టింది. ఎన్నికల కోడ్‌తో సంబంధం లేని కారణంగా మార్చి 10 నుంచి మధ్యాహ్న భోజనంతో పాటు రాగి జావ అమలు ప్రారంభం కానుంది. ఇక మరోపక్క మార్చి 14 నుంచి అసెంబ్లీలో సమావేశాల నిర్వహణకు నిర్ణయం తీసుకోవడమే కాక బీఏసీ సమావేశంలో సమావేశాల షెడ్యూలు ఖరారు చేశారు. ఇక మార్చి 18 సంపూర్ణ ఫీజురీయింబర్స్‌మెంట్‌ పథకం… జగనన్న విద్యాదీవెన లబ్ధిదారుల ఖాతాల్లోకి డీబీటి పద్ధతిలో నగదు జమ చేయాలని నిర్ణయం తీసుకున్నారు. మార్చి 22న ఉగాది రోజున ఉత్తమ సేవలందించిన వాలంటీర్ల పేర్లు ప్రకటన చేసి వీరికి ఏప్రిల్‌ 10న అవార్డులు, రివార్డులు ఇవ్వనున్నారు. ఇక మార్చి 23న జగనన్నకు చెబుదాం కార్యక్రమం ప్రారంభం కానుండగా మార్చి 25 నుంచి వైయస్సార్‌ ఆసరా. ఏప్రిల్‌ 5 వరకూ ఆ కార్యక్రమం కొనసాగనుంది. మార్చి 31న జగనన్న వసతి దీవెన ప్రారంభం కానుండగా ఏప్రిల్‌ 6న ఫ్యామిలీ డాక్టర్ కాన్సెప్ట్‌ అమలు చేయనున్నారు. ఏప్రిల్‌ 18న ఈబీసీ నేస్తం అమలు చేయనున్నారు.
